Willem van Saeftinghe
From Wikipedia
Willem van Saeftinghe was een lek'nbroeder van de Cistersiënzerabdie van Ter Doest.
Je wer beroemd binst de Guld'nspoornslag omdat ie den deen was die Robert van Artois, den anvoerder van de Franse, van ze pêêrd sleurdige, zodanig dan d'andre em kosten dôod sloan. Je zoet ook vele Franse ridders een koptje klinder gemakt en binst de slag.
In 1308 vermôorddet ie de keld'rmèèster en verwoenddet ie den abt van zun abdie, in een deur em geleiden ipstand van de lekenbroeders, omda den abt beslot'n aat vo de boerderie'n van d'abdie te verpachten, wodeure dan de lekenbroeders under werk zoen verliez'n. Achter de moard moest Willem em verschansen in de kerktorre van Lissewege vo de volgelingen van den abt. Mo van 't moment da da nieuws in Brugge bekend wer, trokk'n een zeune van Pieter de Coninck en Jan Breydel t'oope me 80 and're Bruggeliengen ip vor em t' oentzett'n. Je werd deur Paus Clemens V in de ban van de kerke geslegen en ip kruustocht gesteurd. In 1309 werd'n zun misdoa'n vergeven, mo werd ie verplicht in te treen bie de ospitoalridders. Je zoe gesneuveld zyn by et beleg van Rhodos.
Zun broanzen standbild, gemakt deur Jef Claerhout, stot sins 1988 in Lissewege ip de markt. Der wer deur Frédéric Devreese een opera geschrev'n over Willem van Saeftinghe womee dat ie de Italia-prys gewonn'n eet.
