Woaregem

From Wikipedia

Dit artikel zoe beter erschreevn weird'n in 't Woaregems.

Stad Woaregem
Waregem
Liggienge binnen het arrondissement Kortryk in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Kortryk
Liggienge	50°53' NB 03°26' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	44,34 km²
Inweuners (Bron: NIS)
Inweuners – Vintn – Vrown – Bevolkiengsdichtheid	35.852 (01/01/2006) 49,33% 50,67% 809 inw./km²
Leeftydsipbow 0–17 joar 18–64 joar 65 joar en oeder	(01/01/2004) 21,07% 62,66% 16,27%
Buutnlanders	1,62% (01/07/2005)
Weirklôoseidsgroad	5,97% (01/01/2006)
Polletiek
Burgemêester	Yolande Dhondt
Coaliesje	CD&V
Zetels CD&V VLD-Plus sp.a onafankelyke Groen! N-VA Spirit Vlaams Belang	33 18 7 2 2 1 1 1 1
Dêelgemêentn me postcode
Postcode	Dêelgemêente
8790 8791 8792 8793	Waregem Beevern-Leie Desselgem Sint-Eloois-Vaaive
And're info
Zonenummer	056
Poliesjezone	{{{polz}}}
Webadres	www.waregem.be

De stad Woaregem (officieel Nederlands: Waregem) ès 'n stad in 't zoidôostn van West-Vloandern. 't Ès de zesde grôotste van de provinsie en è 'n twa van 36.000 ènwoners. De dêelgemêentn zyn sedert 1977 Bevern-Leie, Desselgem en Sint-Eloois-Vaaive.

De burgemêest'r ès Yolande Dhondt van de CD&V. Woaregem es economisch ne groeinde regio, me 'n grôot wienkelcentrum: t Pand.

[bewerk'n] Geschiedenisse

Toet voorn 1977 was Woaregem allene wuk da nu de hoofdgemêente i;, d'andre kernen, Bevern-Leie, Desselgem en Sint-Eloois-Vijve, woaren aparte gemêenten. Den 1sten januari 1977, bie de gemêentelyke herindelienge, zien de gemêenten gefusioneerd toet bie de nieuwe grote gemêente Woaregem. Der werd e nieuw woapenschild agenoomn. De 23sten juni 1999 is in 't Belgische federoale parlement de wet voe de toekennienge van de stadstitel an de gemêente Woaregem goegekeurd. Doadeure mag Woaregem vanaf den 1sten januari 2000 officieel stad genoemd wordn.

[bewerk'n] Kernen

De grotste kern i Woaregem is de hoofdgemêente Woaregem zelve, met meer dan 20.000 inweuners. Ten noordwesten van diene stadskern liggn de deelgemêentn Bevern-Leie, Desselgem (alletwee meer dan 5000 iweuners) en Sint-Eloois-Vijve (bykan 4000 iweuners) langstn de Leie. De grenzn van de gemêente bestoan doa nog uut 't oede kroenkelende traject van de Leie, van voor dat 't was rechte getrokkn. De bebouwienge van Woaregem en Sint-Eloois-Vijve is zo goed of êen gehêel gewirdn deur nieuwe weunwykn en industrieterrings, en ook de kernen van Desselgem en Bevern-Leie zien noa mekoar gegroeid. Ip 't groendgebied van Woaregem, langst de boane noa Deirlyk ligt er e redelyk grôot gehucht, Nieuwenhove. Nieuwenhove vormt nog een aparte kern, ol is 't deur de lintbebouwienge verboendn me 't gehucht Molenhoek in Deirlyk.

Sint-Eloois-Vijve en Desselgem zien olletwee gegroeid ip e plekke woa dat de Leie kost overgestook’n wordn. Der is doaby e typisch patroon van twiliengsdorp’n langstn de Leie oentstoan: Desselgem ligt gepoard met Ooigem en Sint-Eloois-Vijve met Sint-Baafs-Vijve.

Den ôofdkern Woaregem et verder nog verschillende wyken. De wyken Gaverke en Biest èn under eigen afzoenderlyke parochje. De parochje Heilige Familie in Gaverke is ipgericht in 1941, de parochje Sint-Jozef in Biest in 1966. D'oede parochje van 't stadscentrum is noa Sint-Amadeus genoemd. Ol de kernen in de gemêente zien styf verstedelykt. Der is nog open ruumte vlakby de valleie van de Leie, in 't uuterste noordn, en in 't gebied roend Nieuwenhove.

[bewerk'n] Verkêer

Woaregem ligt ip een asse van Kortryk noa Gent. Die asse wordt getypeerd deur de riviere de Leie, de spoorweg Gent-Kortryk, d'autostrade A14/E17 en d'oedere steenweg N43 tusschn die twee steedn, die Woaregem in oost-west richtienge deursnien.

[bewerk'n] Attraksies

't Bekenste wa' dat er in Woaregem gebeurt, ès de joarlaikse Koerse; da zyn peirdekoersen in de latste weke van ogustus, eigenlyk den êesten disndag achter de latste zundag van ogustus. Woaregem es ôok de gaststad van Twis deur Vloandern, een West-Vlamse wielerkoerse in het vôorjoar.

[bewerk'n] Woaregems

In Woaregem klappn ze 'n dialect da sterk noa 't Ôost-Vloams trekt. Doadeure ein de beweunders van die steeje ulder ossan of willn zettn tegen 't West-Vloams en klienk'ng de diftong'ng ij en ui der as ai en oi, lyk in 't Broabants, en nie as è en ö lyk in de mêeste andere Ôost-Vloamse dialecten.

Provinsje West-Vloandern