Zêesterre

From Wikipedia

Zêesterre

Geweune zêesterre

Riek:	Animalia (Bêest'n)
Stamme:	Echinodermata (Stekkervelbêest'n)
Klasse:	Asteroidea (Zêesterren)

Sorte

Asterias rubens

De zêesterre of zeisterre (Asteroidea) es een klasse van de stekkervelbêest'n (Echinodermata).

Inoud

1 Uutzicht
2 Verspreidienge
3 Vôortplantienge
4 Varia

[bewerk'n] Uutzicht

De zêesterre es een zêebêeste, die mêestal uut 5 oarmn bestoat moa d'r zyn d'r ook die d'r veel mêer en. De klêenste sôorte wordt moa 1 cm grôot en de grotste zêesterre kan 1 m wordn met een oarmlengte van 45 cm. Et eit een kleur da varieert van geel over oranje tot rôod, moar oak pupere, blauwe en groene soarten bestoan. Ze zyn plat en stervormig en ip udder oarms stoan der stekkers. An de onderkant van de oarms stoan der zuugnapp'n. De mond zit vanonder in't midd'n, en sluut direct an ip de moage. De geweune zêesterre stulpt een dêel van de moage noa buut'n en drukt 't teegn de prooi. Ton moak'n uutgescheidn enzymen 't eet'n vloeiboar. Zêesterren oasemen deur uutstulpingen in under vel en de voetjes.

De Zêesterre leeft onder woater en goat vôoruut me zyn klêne voet'n me zuugnapp'n. Et gebruukt die zuugnapp'n ôok om schelpdiern, gelik mossels en klêne slekken t'oop'n.

't Regeneroatievermeugen van een zêesterre is styf grôot. Wannêer dat er êen van de oarms beschoadigd wordt of verloren goat groeit er een nieuw gedêelte an.

[bewerk'n] Verspreidienge

D'r bestoan ca. 1500 soort'n over hêel de weireld, surtout langs de rotskust'n. Ge keunt de zêesterre vind'n ip de grond van de zêe en ip zêedyk'n, in de Nôord-, Middellansche- en Ôostzêe en in de Atlantische Oceoan. De stekkervelbêest'n bestoan ol 590 miljoen joar, moar van de ôorspronkelik 30.000 sôort'n schiet'n der moar een 6000-tal over.

[bewerk'n] Vôortplantienge

In et vôor-en noajoar verspreid'n de zêesterrn sperma en eicelln in't woater. 't Vrouwke makt 2 miljoen eikes in een eure an. Uut de eiers koomn der larvn, die udder loat'n meedryvn me het planktong. Achter drie week'n goan ze no de zêebodem.