عمران صلاحی
Vikipediya, açıq ensiklopediya - ویکیپدیا ، آچیق انسایکلوپدیا
بومقاله هله لیک قارالاما حالیندادیر، مقاله نی تکمیل اتمه ایله ویکیپدیا نی زنگینلشدیرین
|
عمران صلاحی (1944-2006) گونش ایلی (1325-1385) بیر آذربایجانلی ترک یازیچی شاعر و ظرافاتچی و بؤیوک طنز اوستادی دیر. او تهرانین امیریه محله‌سینده آنادان اولدو. عمران صلاحی اثر لرینین چوخونو فارس دیلینده یازیب آمما بیر نچه ترک‌جه اثری‌ده وار.
پاییز یئلی ” 1340 (1961) – دا مطبوعاتدا یایملادیغی بیرینجی فارسی شعردیر:
” باد پاییزی بریزد برگ گل بلبلان آزرده اند از مرگ گل”
“پاییز یئلی گولون یارپاغین تؤکر بو اؤلومه غصه ائدر بولبوللر”
او ایل پاییزدا آتاسی سفره گئتدی و داها گلمه دی. نه ایسه عمران 15 یاشیندا یئتیم قالدی. چاره سیز قالیب تبریزدن تهرانا کؤچوب جوادییه ده ساکین اولدولار. جوادییه، موفت آباد و نازی آباد تهران کاسیب لارینین یاشادیغی محلله لردی. بو محلله لرین اکثر ساکین لری تورکلر ایدیلر. عمران صلاحی نازی آبادا “سفارت کبرای اردبیل در تهران” (اردبیلین تهراندا کی بؤیوک سفیرلیگی) دئیَردی. اؤز دئدیینه گؤره، 1345 (1966) – دن فارسی و تورکو شعر دئمه یه باشلادی. بیر طنز درگی سی اولان ” توفیق” درگی سینده یازماغا باشلادی. بو درگی و ادبی محفیل لردن رادیو – تلویزیونا چاغریلیب اوردان متقاید (باز نشست) اولدو.
عمران صلاحی، اردبیلین مشهور و نجیب خانواده لریندن بیری اولان هایده خانیم واهابزاده ایله ائولندی. ایکینجی بالاسی باهاره خانیمین 1361( 1982) - ده آنادان اولماسی مناسیبتی ایله بو حساس و گؤزه ل روح صاحیبی اینسان، آنا دیلینده بیر تورکو شعر کیتابی یاییملادی. کیتابین آدی ” پنجره دن داش گلیر” ایدی.
عمران صلاحی اؤز شرح حالیندا یازیر: 1365″ ( 1986) - اینجی ایلدن تورکو دئین شاعیرلر ایله قونوشوب هر هفته دوشنبه گونلری بیرقهوه خانادا ییغیشیب شعرله شیردیک “. 1370( 1991) - ده ” رویا و مرد نیلوفری” آدلی بیر تورکو - فارسی کیتاب چاپ ائتدیردی. بونلار، تورکو شعر مجلیس لرینین محصولو ایکی تورکو شعر کیتابی ایدی: ” آینا کیمی” و ” هزار و یک آینه ( مین بیر آینا)” 1379 ( 2000) - دا ملا نصر الدین کیتابینی چاپ ائتدی. طنز روحو کیتابین آدیندان دا بللی ایدی.
او، فارسجا یازان تورک یازارلارینین بوتون اثرلرینی ایندیدن گرک آنا دیلیمیزه چئویرمه یین فیکرینده اولاق دئیَردی. عزیز عمران صلاحی - نین 1378 ( 1999) سوئد ین آلتی شهرینده کی دانیشیقلاری واردیر.
[redaktə / تحریر] عمران صلاحی‌نین ترجمهء حالی
- ١٣٢٥-اسفند آینین ١٠ دا آنادان اولدو- تهران(اميريه)
- ١٣٣٢- تحصيل دبستان صنيع الدوله(قم)
- ١٣٣٥- تحصيل دبستان قلمستان(تهران)
- ١٣٣٧- تحصيل دبستان شهريار و دبيرستان امير خيزی(تبريز)
- ١٣٤٠- اولين شعری مجلة اطلاعات كودكان چاپ اولدو – آتاسی فوت ایله‌دی
- ١٣٤١- تحصيل دبستان وحيد(تهران)
- ١٣٤٥- توفيق قازتی‌ایله امکداشلیق
- ١٣٤٧- خوشه مجلة‌سینده اول نيمايی شعری چاپ اولدو. احمد شاملو باش رداکتورو (تحریر مدیری)
- ١٣٤٩- ”طنز آوران امروز ايران” كتابی چاپ اولدو. – مترجم‌لیق فوق ديپلمی (دانشگاه تهران)
- ١٣٥٠- نظام وظيفه عسگرلیقی تهران ، تبريز ، كرمانشاه ، مراغه
- ١٣٥٢- راديو تهران دااستخدام
- ١٣٥٣- ”گريه در آب” كتابی چاپ اولدو.– هايده وهابزاده ایله ئولندی
- ١٣٥٥- ”قطاری در مه” كتابی چاپ اولدو.–
- ١٣٥٦- ”ايستگاه بين راه” كتابی چاپ اولدو.–
- ١٣٥٧- بویوک اوغلو ياشار آنادان اولدو.
- ١٣٥٨- ”هفدهم” كتابی چاپ اولدو.– تركيه ، يونان ، بلغارستانا سفر
- ١٣٦١- ایکینجی اوشاقی(بهاره) آنادان اولدو – تركی کیتابی ”پنجره دن داش گلير” یایلدی
- ١٣٦٧- ”حالا حكايت ماست” صحیفهسی دنيای سخن مجله‌سینده یایلدی
- ١٣٧٠- ” روياهای مرد نيلوفری”
- ١٣٧٤- ”شايد باور نكنيد” کیتابی سوئد ده یایلدی
- ١٣٧٥ – صدا و سيما دان کنارا چکیلیدی – گلآقا امکداشلیق اتدی
- ١٣٧٧- انتشار كتاب ” يك لب و هزار خنده” و ”حالا حكايت ماست”
- ١٣٧٨- گزينة اشعار کیتابی یایلدی – سوئدین آلتی شهرینده چیخیش اتدی
- ١٣٧٩- ” آی نسيم سحری”، ”ناگاه يك نگاه”،”ملا نصرالدين”، از گلستان من ببر ورقی” و ” باران پنهان” کیتابلاری یایلدی
- ١٣٨٠- ”هزار و يك آينه” و ”آينا كيمی” تركی‌جه کیتابی یایلدی
[redaktə / تحریر] عمران صلاحی دن بير شعر
-
- پارچالانديق سينماديق
-
- داش آتانلار بيلمه ديلر
-
- پارچالانميش آينادا
-
- بير آيدان مين آى چيخار
-
- بير گونشدن مين گونش
-
- بير اولدوزدان مين اولدوز
-
- پارچالانديق آينا كيمى
-
- چوخالاريق٫ چوخالداريق ايشيغى
-
- گوندوز گونه عادتى وار٫ گئجه اولدوزلارا٫ آيا
-
- بوداقلار باهارا
-
- ميوه لر يايا
-
- گمی‌لر دنيزه٫ باليقلار چايا پنجره لر آچيلماغا٫ بير آز تازا هاوايا
-
- آچيق يئلكن عادتى وار يئللره
-
- آراز دلى سئللره
-
- آينا گؤزه للييه٫ داراق تئللره
-
- غريب آدام عادتى وار وطنه داغلار دومانا٫ چنه
-
- آيريليق گونلرى منه
-
- من سنه!
