ابن زیاد

وکیپیڈیا سے

67ھ 686ء

گورنر کوفہ، پورا نام عبیداللہ بن زیاد۔ مسلم بن عقیل نے کوفے میں حضرت امام حسین کے حق میں زمین ہموار کرنا شروع کی تو یزید نے ابن زیاد کو بصرے سے تبدیل کرکے کوفے کو گورنر مقرر کر دیا۔ اس نے پہلے مسلم بن عقیل کو شہید کرادیا۔ پھر حُر کو ایک ہزار سوار دے کر حضرت امام حسین کا راستہ روکنے کے لیے بھیجا۔ حضرت امام حسین میدان کربلا میں خیمہ زن ہوئے۔ ابن زیاد نے پہلے عمر بن سعد اور پھر شمر زی الجوشن کو فوج دے کر ان کے مقابلے کے لیے بھیجا۔ جس کے نتیجے میں حادثہ کربلا(محرم 61ھ) رونما ہوا۔ محرم 67ھ میں ابن زیاد کا مختار ثقفی کے جرنیل ابراہیم سے مقابلہ ہوا۔ جس میں ابن زیاد کو شکست ہوئی اور وہ میدان جنگ میں مارا گیا۔ قتل کے بعد اس کے سر کو کوفے میں اسی مقام پر لا کر رکھا گیا جہاں چھ سال قبل اس نے امام حسین کا سر رکھوایا تھا۔

Retrieved from "http://ur.wikipedia.org../../../%D8%A7/%D8%A8/%D9%86/%D8%A7%D8%A8%D9%86_%D8%B2%DB%8C%D8%A7%D8%AF.html"