Pagina maestra

  Aiutate Wikipedia in lingua corsa!

Par aiutà Wikipedia pudete:

• Scrive un articulu, o ancu sè vo truvete un sbagliu, currighjitelu puru ! Scrivete in suttanacciu o in supranacciu, cume vo vulete: diversità face ricchezza. Fate a sperienza di scrive un articulu, senza teme di sbaglià vi: si sbaglia ancu u prete à l'altare ! Pudete vede per esempiu Pruvà à scrive un articulu. Videte dinù i cunsigli per scrive un articulu. U più simplice per cumincià hè di cumplittà un articulu. Videte l'articuli da cumplittà. Si pò dinù traduce un articulu, per esempiu da a wikipedia in sicilianu, talianu o francese. Videte Articuli da traduce.
• Identificà. Sè vo cunniscite u nomu di parechji pianti, fiori, arburi, o animali... chi mancanu, parmittarà dopu di creà l'intrata currispundente. Chì sarà issu funzu, issu fiori, issa pianta?
• Incaricà imagini o fotò. U megliu hè d'incaricalli annantu à WikiCommons, parchì pudarani serva dopu à tutti i prugetti Wikipedia, à u Wikizziunariu,... T'avemu bisognu d'una fotò d'ogni paesi è d'ogni munimentu di Corsica (è dinò di i pianti è di l'animali).

  Ultimi articuli

Vociaru di Culomba - San Michele di Muratu - Lighjenda di a torra di Capiteddu - Lucerna - Riticeddu Sintineddi - Flora di Sardegna - Ghjuvanni Nicoli - Boziu (pieve) - Lattaghjolu - Apuleiu - Cunventu d'Orezza - Albaru - Pomu di sodoma - Castagna - Pristaticci - Ghjuvan' Petru Lucciardi - Perdono Mio Dio - Informatica - Viulaccia - Lighjenda di u Scuntumatu

  Da leghje

A ciattola capiniella (Parus major) hè un acellu chì facl parte di a famiglia di i Paridae. Si scontra in Europa è in u Nordu di l'Africa.

U capu è à vola di a capinera sò neri. U pettu hè giallu, fora di une striscia nera.

A ciattola capiniella face dui cuvate (da 5 à 12 ovi) per annu: d'aprile è di maghju, eppò di ghjugnu o di lugliu. L'ovi di a ciattola capiniella sò lisci, d'aspettu biancu incù piccule tacche rosse. Sò cuvate da e femmine durente circa 15 ghjorni.

A ciattola capiniella hè cumuna è prisente tuttu l'annu in Corsica. U so nome vene da u fattu ch'è u so capu hè neru.

  U pruverbiu di u ghjornu

Matrimonii è viduvati sò dal celi distinati.

L'articulu di a sittimana

U Vociaru di una ghjuvanetta di Tassu (o Voceru di una ghjuvanetta di Tassu) hè un vociaru di Corsica. Una ghuvanetta, di u paesi di Tassu, piegni u so frateddu, chì si n'hè mortu luntanu da u so paesi. A causa di a so morti hè u fretu, duranti un inguernu moltu duru. U frateddu, fà chi, era maestru di scola.

U voceru

Quandu ghjunsi la nuvedda

Chì par nostra mala sorti

O caru di la suredda

Ti dicia speditu a morti

Ghjà la nevi à la muntagna

Chjusu avia tutti li porti.

La suredda appassiunata

Nun pò mora di dulori:

Nun ti hà pudutu abbraccià

È si senti andà lu cori;

Scatinossi ancu stamani

Quist' invernu traditori.

È nun pudia almenu

Essa mortu à u to paesi

In bracciu à la to suredda?

Oh morti cusì scurtesi!

Tù l'onori di la pievi

Rispettu di li parenti

Sempri arrubavi lu cori

Di l'amichi è cunnuscenti.

Quista mani u me frateddu

Ci lasci tutti scuntenti.

Parchì stai cusì mutu

D'arricà ci dispiaceri?

Leva ti, lu me frateddu

Adempi à lu to duveri:

Nun ti mancani sprissioni

Lu me degnu cavaglieri.

Lu me fiori di primavera

Chì spuntava à la campagna

Lu fiori di li zitiddoni

Ch'adurnavi la muntagna

Di la to morti, o frateddu

Lu paesi hè tuttu in lagna.

Quiddu ghjornu chì spirasti

Adunisti i to sculari:

Andu allora l'ammunisti

Cù li to cunsigli rari:

Par la via di u Paradisu

Li sapisti indirizzàri.

Qual' sarà stata la frebba

Chì hà truncatu la to vita?

O caru di la suredda

La me amandula fiurita

Lu me impastatu di meli

Fattu cù la calamita.

T'avia fattu la natura

À lu tornu, à lu pinneddu;

È la latra di la morti

Ti pigliò cusì ziteddu.

Nun ci era coppia sì cara

Com'è eiu è lu me frateddu.

Ghjenti di quistu paesi

Or prigheti quì di cori

Par lu me caru frateddu

Par ch'à tutti stava à cori

Ch'eddu godi in l'altra vita

Cù li santi è lu signori.

  I prugetti Wikimedia in lingua corsa

Wikimedia Foundation hè un associu à scopu nò lucrativu chì sustene Wikipedia è altri prugetti liberi, multilingue è gratuiti.

Sò quattru i prugetti Wikimedia in lingua corsa: partecipate!

	Wikipedia L'enciclopedia libera
	Wikizziunariu Dizziunariu è lessicu corsu
	Wikilibri Parechji libri in lingua corsa
	Wikiquote Citazioni è pruverbii