Bühler AG
Us der alemannische Wikipedia, der freie Dialäkt-Enzyklopedy
D'Bühler AG isch än bedütendä schwizer Technologiekonzern. Dä Familikonzern isch weltwiit Markfüärär i dä Nahrigsmittelindustrie, im Druckguss und und i dä chemischä Verfahrigstächnick. Si hät ihren Hautsitz z'Uzwil.
[ändere] Gschicht
Im Johr 1860 hät dä Adolf Bühler ä Isägüsserei gründet. Elf Johr spöter isch a diä Güsserei ä mechanischi Werkstatt aglideret worde. Döt sind bald di erstä Gusswalzene agfärtigät worde, und 1890 isch den di erst Gedraidemühli üs Büäler-Teil erbaut worde. Spöter isch dä Büäler uf vill verschidene Märkt aktiv gsi, unter anderem sind Teigwarä-, Schoggi-, Brauerei- und Farbmaschine baut worde.
[ändere] Dä Büäler hüt
Hüt isch dä Büäler i vilne verschidene Gschäftsfälder tätig. Diä sind i drü Produktionsdivisione gliderät:
- Divison Grain Processing: Getreidemüllerei, Brauerei, Riismüllerei etc.
- Division Engineered Products: Schoggi & Kakao, Teigwarä, Farbä, Lack und Chemikaliä etc.
- Division Die Casting: Druckguss
Hüt hät dä Büäler i über 100 Länder uf dä ganzä Welt Niederlassigä und är beschäftigt öppe 6300 Mitarbeiter, dävo öppe 3000 i dä Schwiz. Somit isch är dä grösscht Arbeitgeber vo dä ganzä Ostschwiz. Zur Ziit isch dä Urs Bühler Verwaltigsrotspräsident, dä Calvin Grieder isch dä CEO. Im Johr 2005 hät dä Büäler än Umsatz vo zirka 1.5 Milliardä Frankä gmacht.