Emission (Physik)

Us der alemannische Wikipedia, der freie Dialäkt-Enzyklopedy

Dialäkt: {{{3}}}

Als Emission (vu lat. emittere = ussende) bezeichnet mer in dr Physik zuemeist d'Ussendig vu sichtbarem Liecht un andere elektromagnetische Welle als Lüchte oder thermischi Emission (Wellestrahlig), oft au allgmeiner d'Ussendig vu atomare oder subatomare Deilli (Korpuskularstrahlig), insbesundere in dr Kern- un Deilliphysik.
In dr Akustik schwätzt mer au vu Schallemission (bzw. Lärmemission), oder vu Gas- un Staubemission, vor allem in dr Astronomi, dr Umweltphysik un dr Biologi.

Inhaltsverzeichnis 1 Emission vu elektromagnetische Welle 1.1 Thermischi Emission 1.2 Emissionslinie 1.3 Radiowelle 1.4 Synchrotronstrahlog 2 Schallemission 3 Emission von Deilli 3.1 Radioaktiver Zerfall 3.2 Deillischauer 3.3 Gas- un Staubemission 4 Lueg au

[ändere] Emission vu elektromagnetische Welle

Festkörper un freii Deilli sende verschideni Arte vu elektromagnetische Welle us, wobi mer si nooch ihrem Spektrum (im sichtbare Beriich nooch ihrer Farb) un ihrer Entstehigsart klassifiziert.

Zuesätzlich underschidet mer zwische dr spontane Emission, wo ohni usseri Iflüss stattfindet, un dr induzierte Emission, wo dur igstrahlti elektromagnetischi Welle usglöst wird. Insbesundere Laserliecht wird dur induzierti Emission erzügt.

Nit als Emmision bezeichnet wird d'Wiiderabstrahlig vu ifallender Welle, d'Remission (Reflexion, Transmission)

[ändere] Thermischi Emission

As thermischi Emission vu Strahlig bezeichnet mer s'Ussende vume kontinuierliche Spektrum vu elektromagnetische Welle ufgrund vu dr Wärmebewegig vu dr Atome. Ihri Spektralverdeilig hängt vu dr absolute Temperatur un ihre Absorptionseigeschafte ab. E ideal schwarzer Körper, sendet e Spektrum us, wo d'Intensitätsverdeilig dur s'Plancksche Gsetz beschribe wird, was in dr Physik grossi Bedütig bi vile Vorgänge het un dr Usgangspunkt vu dr Quantemechanik gsi isch.

[ändere] Emissionslinie

Emissionslinie, also klar definierti einzelni Spektrallinie, werre vu Atome bim Ybergang vume Atoms oder Molekül vu eme höchere uf e nidrigers Energiniveau oder bim Ifang vume Elektron dur e Atom usgsendet. D'Emissionslinie sin debi charakteristisch fer e bestimmts chemischs Element. Insbesundere in dr Astronomi, wo zum Grossdeil uf dr Beobachtig vum Liecht vu unerriichbar witt entfernte Objekte fuesst, basiert e Grossdeil vum Wisse um unser Universum uf dr Analyse vu dr Spektrallinie. Exemplarisch defür sin d'Entdeckig vum Helium (vu grich. Helios fer Sunne) anhand unerwarteter Linie im Spektrum vu dr Sunne, wo mer erst denooch au uf dr Erde entdeckt het - un d'Entdeckig vu unerwartete Spektrallinie in Planetarische Näbel wo mer erst ime hypothetische Element Nebulium zugordnet het, no aber als sognennti verboteni Ybergäng vu scho bechannte chemische Elemente erchennt het.

[ändere] Radiowelle

Emission vu Radiowelle trättet vor allem dert uf, wo elektrischi Wexelström fliesse (bspw. in Sendeantenne vu Funk- un Radiostatione), wil beschlünigti elektrisch gladeni Deilli vu elektromagnetische Welle ussende.

[ändere] Synchrotronstrahlog

Emission vu Synchrotonstrahlig cha yberall dert beobachtet werre, wo bewegti elektrisch gladeni Deilli in magnetische Felder abglenkt werre. Ihri Wellelängi hängt debi vu dr Gschwindigkeit vu dr Deilli un dr Stärchi vum Magnetfeld ab.

[ändere] Schallemission

Schallemission wird vu schwingende Körpern als Quelle erzügt un cha sich numme in Medie (gasförmig, flüssig, fest; lueg Aggregatzueständ) usbreite.

[ändere] Emission von Deilli

[ändere] Radioaktiver Zerfall

Bim radioaktive Zerfall cha mer näbe Gammaquante d'Emission vu Elektrone (Betastrahle), Heliumcherne (Alphastrahle), Positrone, Neutrone un Neutrinos beobachte.

[ändere] Deillischauer

Bim Stoss vu sehr schnelle Deilli ufenander oder uf e ruehende Körper, werre sälli zertrümmeret un die Spaltprodukte un in Deilli umgwandelti Gammaquante, so gnennti Sekundärdeilli in Form vume Deillischauer emittiert. Insbesundere in Speicherringe, wie em DESY z'Hamburg un bim Stosse vu Kosmische Strahle uf d'Erdatmosphäri cha mer säll beobachte.

[ändere] Gas- un Staubemission

Vu Gas- un Staubemission schwätzt mer yberall dert, wo Gase un feiner Staub usgsendet werre:

• Des sind z.B. Abgase vu technischer Herchumft, oder Stoffwexelendprodukte (wie d'CO₂-Emission bi Pflanze) oder d'Abgab vu Polle as biogener Schwäbstaub.
• Bsunders schöni Bispile vu Gas- un Staubemissione us dr Astronomi sin Astronomischi Objekte wie d'Emissionsbnäbel, die Planetarische Näbel vu sterbende Sterne oder d'Schweife vu Komete.

[ändere] Lueg au

• Absorption (Physik), Remission (Optik)
• Feinstaub
• Immission, Schallimmission