Erdmannshöhle
Us der alemannische Wikipedia, der freie Dialäkt-Enzyklopedy
D'Erdmannshöhli isch e Charschdhöhli im Wehratal im Südschwarzwald. Well de Iigang grad öbbe bi Hasel isch, isch si au unter Hasler Höhli bekannt. Di erschdi urkundlichi Erwähnig isch vo anne 1755. Ihre Name het si vo nere Sage, wonoch in de Höhli Zwärgli, also Erdmännli, läbe un schaffe. De erforschte Teil isch öbbe 2350m lang, aber es het no ne huffe Gäng, wo so eng sin, daß mer nit weiß was no hindedra chunt. 360m dodevo chasch aluege. In de Höhli hets ä huffe Tropfstei, ä chlaine See un au e unterirdische Bach goht dedure. Sällem Bach würd nochgesait, daß e deil vom Wasser vom Eiemer See stammt.
