FC Luzern
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »FC Lozärn« |
De FC Lozärn (FC Luzern) esch de Traditionsclub vo de Innerschwiiz, vor allem vor Stadt Lozärn sälber. D'Gröndig esch 1901 gsi. E de Ziit vo de Gröndig bes höt hed de FCL mehreri Tüfs ond Höchs öberwonde. 1989 esch Lozärn serschte Mol Schwiizer Meister worde. Zor Ziit spellt de FCL e de höchste Schwiizer Liga, de "Axpo Super Leage".
Die gröschte Tetel send: Meister 1989, Cupsieg 1960, 1992
De gröscht Erfolg i de jöngschte Vergangeheit esch de Wiederufsteg i d' "Axpo Super League" im Sommer 2006 gsi. Nach 3 Saisons i de "Challenge League" und enere bispelslose Serie vo 31 Spiel in Serie Ongschlageheit (Saison 2005/2006), esch de FCL met em Trainer René van Eck, ufgstege.
Höt spelled em FCL grössene wie de Mario Cantaluppi, Lucien Mettomo, Mauro Lustrinelli ond de Jean-Michel Tchouga. Em Goal spellt sNochwochstalänt de David Zibung.
Trainer sett de Saison 2006/2007 esch de ehemalig Schwizer-International Ciriaco Sforza.
