Gau (Landschaft)

Us der alemannische Wikipedia, der freie Dialäkt-Enzyklopedy

D Gau (althochdütsch Gouwe, Gouwi) isch ursprüngli d Bezeichnung fyr ä stommesmässig un londschaftlich gschlossens Siedlungsgebiet vun d Germane un Wende gsi.

Gau entschpticht ugfähr däm änglische Begriff Shire. Der isch hit no fyr d englische Grafschafte (wird hit in d Regel mit Grofschaft ybersetzt) gebriichli.

[ändere] Gau im dunkle Mittelalter

Im Fränkische Reich het d Gau im Wesentliche d Ômtsbezirk vun näm Grofe (grafio) bzeichnit. Es isch umschtritte, ob des gsomti Gebiet mit äm gschlosseni Netz vun Grofschafte überzoge war, oda ob s wite Gbieti vun Wildnis (meischt Wälder) gebe het, wo s keini Vertreter vun d kinigliche Macht gäbe het.

[ändere] Hitig Ôwendung

Wegä ihrer hischtorisch Belastung durch d Nazis isch d Bezeichnung Gau in Dütschland hit nimmi in d öffentliche Verwaltungsgliederung gebriichli. Turnerbünd, Trachteverbänd, Schützenbünd (zuem Bispiel bi „Gaumeisterschaften“) und d ADAC gliedre sich jedo immer no in Gaue.

In Östrich het d ÖTB - Österreichischer Turnerbund teilwîs ä Gliederung in Turngaui. D Bezirk vun Salzburg heisse zwar offiziell noch ihrem Houptort, umgongssprochli werd s aba oft noch ihra alti Bezeichnung Gaue gnonnt.

[ändere] Londschafte

Im dütschsprochige Regione het sich Gau als Teil vun Bezichnunge fyr Londschafte erhalte:

Deutschland: Ahrgau, Allgäu, Ammergau, Ardennengau, Auelgau, Bidgau, Breisgau, Carosgau, Chiemgau, Gäu (Baden-Württemberg), Eifelgau, Hegau, Klettgau, Knetzgau, Kraichgau, Linzgau, Mayenfeldgau, Moselgau,, Nibelgau, Ochsenfurter Gau, Rheingau, Ripuariergau
Österreich: Flachgau, Lungau, Pinzgau, Pongau, Strudengau, Nibelungengau, Tennengau, Wasgau
Schweiz: Aargau, Buchsgau, Elsgau, Gäu (Bezirk), Prättigau, Sisgau, Thurgau
Luxemburg: Wavergau
Südtirol: Vinschgau
Elsass: Sundgau
Belgien: Hennegau