Ortsteil

Us der alemannische Wikipedia, der freie Dialäkt-Enzyklopedy

En Ortsteil (au: Schtadtteil bzw. Gmeindsteil) isch en abggrenzte bzw. mit eigenem Name versehene Teil vonere Schtadt oder Gmeind. Entweder handlets sich um Teil (z. B. Dörfer oder Orte) us ehemals selbstschtändige Gmeinde, wo dur e Iigmeindig im Zug vonere Gmeinsreform ihri Selbstschtändigkeit uufgee händ müesse und zu Gmeindsteile vonere benachbarte oder neue Gmeind worde sind oder es handlet sich um neui Wohnviertel vonere Schtadt/Gmeind ("Neubaugebiet") mit eme eigene Name, wenn d Besiedelig abgschlosse isch.

In Düütschland chönnd je nach Regelig i dr Gmeindsordnig vom Bundeslande Ortsteil au Ortsteilvertretige (Ortschaftsrat, Ortsrat, Ortsbiirat) und eigeni Ortschaftsverwaltige und en Ortsvorschteher bzw. en Ortsbürgermeischter haa. Deet redt mer dänn meischt vo dr Ortschaft (im rechtliche Sinn).

D Benennig vo neue Ortsteile isch Aaglegeheit vo de jewiilige Gmeinde. Debii muess si verschiedeni Schtelle (z.B. Archivverwaltig, Schtatistischi Ämter, Poscht, Vermessigsämter etc.) aalose und druuf achte, dass innerhalb vo dr Gemeinde kei gliichluutendi Ortsteilname uuftreted.

Im Aaschriftewese chann dr Name vonere Ortschaft au wiiterhii verwendet werde. Dr Name vom Ortsteil wird dänn i dr Zeile über dr Strassebezeichnig gnännt. Früeher isch er dur en Bindeschtrich a de Gmeindsname aaghängt worde, wies au oft i amtliche Ortsteilbezeichnige heisst (z.B. „Sankt Augustin-Menden“ oder „Troisdorf-Sieglar“).

I grössere Schtädt werded Ortsteil je nach Bundesland als Stadtbezirke bezeichnet oder zu sellige zämeegfasst. Im Gegesatz zu Ortsteile, wo e eigeni Ortschaftsvertretig händ chönnd, müend Schtadtbezirk meischt e derigi haa. Name, Wahlmodus und Zueschtändigkeite vo dene Bezirksvertretige variiered ebefalls vo Bundesland zu Bundesland. In nordrhein-westfälische Grossschtädt bilded Ortsteil inoffizielli Underordnige vo Schtadtteile, wo wiederum Teilmenge vomene Schtadtbezirk sind.