Richard Golz

Us der alemannische Wikipedia, der freie Dialäkt-Enzyklopedy

Dialäkt: {{{3}}}

Dr Richard Golz (* 5. Juni 1968 z' Berlin) isch e dytscher Fuessballtorwart gsi.

Inhaltsverzeichnis

1 Werdegang
2 Statistik
3 Erfolge as Spiler
4 Webgleicher

[ändere] Werdegang

Dr Richard Golz (Spitznamme "Richi") het bi Wacker 04 Berlin mit em Kicke agfange. Yber dr SC Tegel isch er no 17-jähriger zum Hamburger SV chumme, fer der er 1987 in dr Fuessball-Bundesliga debütiert het. Si Abitur het er wie viili anderi HSV-Noochwuxspiler am Gymnasium Heidberg in Hamburg Langenhorn gmacht. Zue sine sportliche Erfolge zelle drei erreichti Uefa-Cup Deilnahme mit em Hamburger SV un eini mit em SC Friburg. Zuedem isch er U21-Nationalspiler gsi.

Vu 1987-1998 het dr Richard Golz 273 Bundesligaspile mit em HSV bestritte un isch oft e verlässlichi Grössi vum Verei gsi, grad im Champf gege dr Abstig. Zuedem het er u.a. dr gstande Torwart Ulrich Stein (Saison 1994/1995) us em Tor verdrängt. Nooch einige kapitale Fähler (z.B. im Duell gege dr Stadtrivale St. Pauli) isch dr Richard Golz in dr Saison 1997/1998 dur Hans-Jörg Butt us em Tor verdrängt worre. Dr Richard Golz isch anno 1998 zum SC Friburg gwexlet. Do her er 2001 ernöit e UEFA-Cup-Deilnahm erreicht aber au in dr UEFA-Cup-Spilzitt dr Bundesliga-Abstiig 2002 erläbt, dr sofortig Wiiderufstig anno 2003 un wiider e Abstiig 2005. In dr Saison 2005/2006 isch er numme no Ersatztorwart fer dr Alexander Walke gsi un het sex Zweitligaspile bestritte.

Dr SC Friburg un dr Richard Golz hän sich zue dr nöie Saison nit yber d'Laufzitt vu eme nöie Vertrag einige chänne, so dass dr Richard Golz d'Option us sinem alde Vertrag wohrgnumme het, wo ihm nooch em End vu sinere Spilerkarriere e Eijohresvertrag im SC-Marketing izgo ermöglicht.

Mit 453 Spile isch er in dr Saison 2005/06 vu dr aktive Profispiler nooch em Oliver Kahn dr Spiler mit dr meiste Isätze in dr 1. dytsche Bundesliga gsi.