Schwarzwald-Baar-Kreis
Us der alemannische Wikipedia, der freie Dialäkt-Enzyklopedy
De Schwarzwald-Baar-Kreis isch durch e Zämmeschluss vu de Kreis' Villinge und Eeschinge, so wie e paar Ort us em Landkreis Rottweil, Tuttlinge un Hochschwarzwald am 1. Januar 1973 gründet wore. Die beide Altkreis' Villinge und Eschinge sind us gliichnamige Bezirk vürrigange, des sin die selbe gsi wie s'es schon im 19.Jahrhundert gäa hät, nochdem Bade älles übernoo hät. Die Grenze sin sitdem öfters gänderet worre. Am 1. Januar 1972 sin die badische Schtädt Villinge und die Schwäbisch-Württembergische Schtadt Schwenninge zu 're oänzige vereiniget worre.
Momentan hät de Schwarzwald-Baar Kreis um die 200.000 Iinwohner und es hät 20 Gmoande un 10 Schtädt, es giit 2 große Kreischtädt: VS (ca 82.000 Iiwohner) un Eschinge(ca. 20.000 Iiwohner). Die kleinschte Gmoand isch Gütenbach.
