Silbermond
Us der alemannische Wikipedia, der freie Dialäkt-Enzyklopedy
| Silbermond | |
|---|---|
| Bild:Silbermond.jpg Silbermond |
|
| Gründig | 2000 |
| Genre | dütschsprachigi Pop- und Rockmusig |
| Website | www.silbermond.de |
| Bandmitglider | |
| Gsang | Stefanie Kloß |
| Gitarrä | Thomas Stolle |
| Schlagzüg | Andreas Nowak |
| Bass | Johannes Stolle |
Silbermond isch ä dütschi Rock-Pop Band us Sachsen. Si isch ai under der Abchürzig Simo bekannt.
[ändere] Karrierä
D'Mitgliid vo Silbermond hend sich 1998 bim Jugendprojekt TEN SING s'erschtä Mal känneglernt. Zwäi Jahr später de hend sie zämä ä Band namens JAST gründet. Ihri erschtä Liäder sind sehr vieli Cover-Versionä gsi und nur sältä eigeni Kompositione. Damals hend si nu uf Änglisch gsungä. Mit denä Lieder hend si a verschiedene Wettbewärb sehr erfolgriich teilgnu. De sind si aber unzfridä wordä mid der änglische Sprach und drum sind sie zrugg cho zu ihrer Muetersprach. Im Herbscht 2001 sind ihri erschtä dütsche Liäder entschtande.
Ihre erscht gross Uuftritt hends als Vorband vo Puhdys gha und nach dem sind sie immer bekannter worde. Um nu grösseri Chance zUbercho isch d'Band nach Berlin zogä - mid Erfolg. Im Januar 2004 sind si als Vorgruppä vo dr Jeanette Biedermann uf Tournee gange. Im März isch denn ihri erscht Single mid em Name Mach's dir selbst usecho. Nachhär isch ihres erschtä Album Verschwende deine Zeit usecho und hed i Dütschland und Öschterrich Doppel-Platin erreicht. Im April 2006 isch ihres zwäitä Album usecho: Laut gedacht.
[ändere] Wirkä
D'Band stahd im Ruef, es sehr guets Verhältniss mit ihrnä Fans z'ha. Usserdem fördered Silbermond vili jungi Musiggruppä, indem si ihnä Uuftritt im Vorprogramm ermögliche. Im Juli 2005 sind si bim Live 8-Konzärt z'Berlin derbi gsi. Silbermond hed 2005 dr ECHO ider Kategori „Newcomer vom Jahr national“ gwunne.
Der Artikel basiert uf ´ra freie Ibersetzung vum Artikel „Silbermond“ us dr dytsche Wikipedia.
