Thierry Henry
Us der alemannische Wikipedia, der freie Dialäkt-Enzyklopedy
Thierry Daniel Henry isch am 17. Ougschtä 1977 z'Les Ulis (Paris) gebore. Sini Mueter stammt aber ursprünglech us Martinique und si VAter us Gudeloupe. Är isch Schütteler u spiut mit der Nummere 12 aus Stürmer für di französischi Nationaumanschaft u mitem 14näni für Arsenal London. Är füehrt die ewägi beschtä Lischte aus Top Scorer bi dä Gunners a.
Dr Henry het scho geng gwüsst gha, das är möcht Schütteler wärde und isch 1990 itz französische Trainigszentrum gange. Ab 1993 het dr Thierry de füre AS Monaco afa spile, eis Jahr später het är de sis Debut ir französische Liga gha. Näne ischr abr de 1999 zu Juve gange, dete hetr abr aus Verteidiger müesse spile und isch nie so richtig glückläch gsy, drum het no im Winter zu Arsenal gwächslet. Dört het är jedi Saison mindischtens 17 Goals gschosse und isch dr erfolgrichscht Stürmer wo dä Verein jemaus het gha. Wo dr letscht Mätsch im Highbury, das isch z aute Stadion vo Arsenal, isch gsy, het Henry z letschte Goal gschosse und isch näne abeknöilet und het aus symbolischi Geste dr Rasä küsst. Är isch scho zwöi mau aus beschtä Schütteler vom Jahr bir Fifa nominiert gsi u isch vom Pelé aus eine vo dä 125 beschtä läbende Fuessbauer bezeichnet worde.
Am 19. Mai hett är, nach länge Spekulatione wonä mitem spanische FC Barcelona hei i Verbindig bracht hei, gseit, das är für immer möcht bi Arsenal spile, wilsi im Championsleague Final 2005 wosi gäge Barcelona hei verlore, härz zeigt heigä und das är die Arsenalfans niemaus chönnti verlah. Näne het är bi Arsenal ä Vertrag für witeri vier Jahr (auso bis 2012) unterschribe. Die spanische Klüb Barcelona und Real Madrid heige 50mio. botte, wener hätti gwächslet, wär är zum türschte spiler worde...
Henry isch mitem änglische Topmodel Nicole Merry (aso eigentlich heisst sie ja Claire Henry) verhüratet und het o e chini Tochter, Tea Henry. Mit sinenere Familiä läbt är in New Hampstead in Ängland.
Sini Sterchine si nid nume sini enormi Gschwindigkeit, sondern o sini fasch perfekti Technik und sis vilsitige Spiu. Är wird aus eine vo dä beschte u schönschte Schütteler uf dr Wäut agluägt.
