Walter Schultheiß
Us der alemannische Wikipedia, der freie Dialäkt-Enzyklopedy
 |
Dialäkt: Schwäbisch |
Walter Schultheiß (* 25. Mai 1924 en Tübingen) isch an deitsche Schauspieler, Autor on Maler.
Bis heit schtoht er en zahlreiche Rolla uff dr Bihne. Em Schultheiß sai Bühnekarrier' hot 1947 als dr "Pedro del Vegas" en dr Operette Maske in Blau begonna. Am 25. Mai 1950 hot er Trudel Wulle, a Schauspielere aus Schduagert gheirotet. Mitnandr hent se oin Bua.
Berihmt isch er ab 1963 durch seine "Straßenkehrer-Sketche" beim ehemalige Süddeutschen Rundfunk worda, in dene er zsamma mit em Werner Veith 20 Johr lang jeden Samschtag die Radioherer erfreit hot. En Sketch on Herspiel war er mit Oscar Heiler, Oscar Müller, Willy Sailer, Georg Thomalla on Willy Reichert zom hera on seha.
Em Fernseha hot er en viele erfolgreiche Familienseria on Fernsehfilm mitgschpielt. Er gilt als "Vorzeige-Schwabe" en Seria wia "O Gott, Herr Pfarrer", u.a. mit em Robert Atzorn on dr Maren Kroymann, "Der König von Bärenbach" on als Weigutsbsitzer "Der Eugen" (dreht en Schduagert-Onderdürkhaim). Au em hoha Alter schtoht dr Schultheiß no reglmäßich fir mehrere Wocha em Johr en dr "Komödie im Marquardt" en Schduagert uff dr Theaterbihn.
Neba dr Schauspielerei isch er au Autor. Er hot witziche Dialog gschriabe, Gdicht on Valentinada, en dene er meischtens mit humorvollem on hentersinnichem Blick die schwäbisch Seel seziert hot.
Ende 2004 hot dr Walter Schultheiß als erschter die Auszeichnung "Ehrenmitglied" vom Alte Schauspielhaus Stuttgart griegt, fir sai großartichs Engagement on seine regelmäßiche Ufftritt en beide Theater, "Komödie im Marquart" on "Altes Schauspielhaus".
[ändere] Seine Werk
- Die Alten spiel ich gern, Theiß, Stuttgart 1994, ISBN 3-8062-1122-1
- Diskurs. 5 Szenen zwischen "ihr" und "ihm", Dt. Theaterverl., Weinheim/Bergstrasse, 1988, ISBN 3-7695-0277-9
- "Sie" und "Er". 4 Szenen um "das" Thema, Dt. Theaterverl., Weinheim, Bergstrasse, 1988, ISBN 3-7695-0278-7
- Stille Winkel, stille Plätze, Stilleben. Venezianische Impressionen. Katalog, Tübingen 1999
[ändere] Weblinks
- Literatuur vo und über Walter Schultheiß im Kataloog vor DDB
- Walter Schultheiß in de Internet Movie Database
- SWR4 - Video mit Walter Schultheiß
| Persoonedaate | |
|---|---|
| NAME: | Schultheiß, Walter |
| ALTERNATIVNAMEN: | |
| KURZBESCHREIBUNG: | deutscher Schauspieler, Autor und Maler |
| GEBURTSDATUM: | 25. Mai 1924 |
| GEBURTSORT: | Tübingen |
| STERBEDATUM: | |
| STERBEORT: | |
