16 Psyche
De Uiquipedia
16 Psyche ye l'asteroide númberu 16 de la serie descubiertu dende Nápoles el 17 de marzu de 1852, por Annibale de Gasparis (1819-1892). Ye'l decimotercer asteroide más grande del cinturón principal, midiendo 250 Km de diámetru.
L'análisis espectral indica una composición de fierro-níquel enforma pura. Psyche y los otros asteroides de tipu M piénsase que provienen del nucleu metálicu d'un gran planeta diferenciáu asemeyáu a Vesta.
Psyche ye macizu abondo pa inducir perturbaciones midibles nel movimientu d'otros asteroides, permitiendo evaluar la masa y la densidá. Esta última ye bien pequeña, indicando bien que seya un cuerpu porosu, bien que seya (eso ye menos plausible) una composición non metálica. N'otres palabres, esti asteroide podría ser un montón de piedres más qu'un cuerpu sólidu.
Dos ocultaciones estelares de Psyche fueron observaes hasta agora, dende México'l 22 de marzu y el 16 de mayu de 2002. Les variaciones de la luminosidá de Psyche indiquen un cuerpu non esféricu.
L'asteroide foi nomáu asina pola ninfa de gran guapura, cola que se casó Eros. Foi tresportada a un palaciu, onde la visitaba toles nueches, permaneciendo con ella fasta que riscaba l'alba, pa qu'ansí nun la reconociere. Una nueche ella, con curiosidá, averó una llámpara al so rostru pa velu, pero l'aceite volcóse, deformando la cara d'Eros. Venus, en vengación, mató a Psyche; pero Xúpiter gracies a Eros, otorgó-y la inmortalidá.
