América Central
De Uiquipedia
América Central ye una parte del continente americanu, que se suel considerar parte integrante d'América del Norte.
Les llendes tradicionales son la frontera con México pel norte y con Colombia pel sur. Formen asina parte d'América Central siete países: Belice, Costa Rica, El Salvador, Guatemala, Honduras, Nicaragua y Panamá.
América central tien una superficie d'alredor de 335.547 km², con una anchura ente l'Océanu Pacíficu y el Mar Caribe d'ente 48 y 563 km.
Dellos xeógrafos amiesten a esti territoriu la parte de México allugada al este del Istmu de Tehuantepec, esto ye, los estaos de Chiapas, Tabasco, Campeche, Yucatán y Quintana Roo.
América central caracterízase por ser un llugar de pasu al mesmu tiempu ente les dos Amériques y ente l'Océanu Atlánticu y l'Océanu Pacíficu, a traviés de la Canal de Panamá.
