Bandera de les Islles Comores
De Uiquipedia
La bandera de les Islles Comores ta formada por cuatro franxes horizontales, siendo de color mariellu, blancu, roxu y azul, d'arriba a abaxu. Nel asta hai un triángulu verde, con una media lluna blanca y cuatro estrelles blanques de cincu puntes, dimpuestes verticalmente ente los picos de la media lluna. Tanto les cuatro estrelles como les cuatro franxes verticales representen a les cuatro islles de les Comores: mariellu por Mohéli (Mwali), blancu por Mayotte (reclamada por Comores, y que sigue perteneciendo a Francia), roxu por Anjouan (Nzwani) y azul por Gran Comora (Ngazidja). El color verde y la media lluna representen al Islam, que ye la relixón mayoritaria en Comores, y formaben l'antigua bandera de Comores enantes d'añedí-y les cuatro franxes horizontales.
Esta bandera foi adoutada oficialmente en 2003.
