Bual (parroquia)
De Uiquipedia
Bual (Boal en castellanu) ye una parroquia del conceyu asturianu del mesmu nome, situada na zona central del mesmu. Ocupa 25,93 km2 ya tien 1.162 habitantes (INE, 2005), que viven nos núcleos de población que vienen darréu: Armal, A Barreira, Bual, As Cabanas, El Caleyo, A Cámbara, Capareirín, Capareiro, Ferradal, Llangrave, Llaviada, As Lleiras, El Mazonovo, Os Mazos, Meróu, Miguil, Os Navalíos, Peiróis, A Pelame, A Pedra Branca, Penouta, Prelo, A Rabuqueira, Riumayor, Rodella, Roxíos, Rozas, San Llouguís, Santa Marina, Santa Olaya, El Sarredo, El Tombo y As Viñas.
La cabeza la parroquia ye la villa de Bual, capital del conceyu. Asítiase na fastera oriental de la sierra de Penouta, a 450 m. d'altitú. Tien 597 habitantes (INE, 2005) repartíos pelos tres barrios que formen la villa:
- Bual d'Arriba, con calles estrenches y pindies que formen el nucleu históricu del pueblu, y ónde s'alcuentren tamién el mercáu de ganáu ya'l cementeriu;
- La Avenida de la Constitución, na que s'atopen la ilesia parroquial de Santiago, la Casa Conceyu, la Casa Cultura y la mayoría del comerciu de la villa;
- Bual d'Abaixo, vertebráu pola carretera AS-12 (Navia-Grandas de Salime), nel que s'alcuentren dellos exemplos interesantes d'arquitectura indiana. D'ente ellos destacan Villa Anita, construida nel 1926 y decorada con azulexos en toes les fachaes, y la Casa de Damiana (1919).
| Parroquies de Bual |
|---|
| Bual | Castriyón | Doiras | Llebredo | A Ronda | Serandías | A Veigadouria |
Esti artículu ye un entamu, ampliándolu, ayudarás a meyorar la Uiquipedia
