Chao Samartín
De Uiquipedia
Chao Samartín ye un castru allugáu en Castro na parroquia de Grandas (Grandas de Salime - Asturies).
Tabla de conteníos |
[editar] Edá de Bronce
El so orixe como pobláu fortificáu remóntase a finales de la Edá de Bronce (fai unos 3.000 años), ye d'esa época les primeres defenses, un fosu y un valla qu'arrodiaben un recitu sagráu con una entrada presidida por unes peñes grandes y onde s'asitaba un edificiu bien grande pa la época (unos 60 m²).
[editar] Edá del Fierro
Yá na Edá del Fierro la zona habitada del castru medra enforma y duplíquense les defenses. Nel sieglu IV enantes de Cristu les defenses componíense d'una muria y dellos fosos al abellugu de los que taben les cabañes de planta circular y rectangular con esquines redondes, cuntaben con una sala y teito vexetal. La única entrada al pobláu yera pol sur gracies a un porton que salvaba'l fosu. Los habitantes yeren agricultores, preparaben los alimentos en pieces cerámiques y tenien ferramientes de fierro, cobre, plata y oru, según amuesen los restos topaos ne llugar.
[editar] Época romana
Cola llegada del imperiu romanu, entama un tiempu de paz y prosperidá llegando a renunciar de les defenses y aprovechando el tener mui cerca delles mines d'oru. Esta prosperidá viose frenada por un abandonu repentinu del pobláu mui probablemente debío a un terremotu, al rodiu del sieglu II.
[editar] Escavaciones
El castru entamó a escavase en 1990 y entá falta gran parte del pobláu por estudiar. Debíu al abandonu repentinu topense munches ferramientes incluso xoyes y otros oxetos de valor na época romana.
