Corfú
De Uiquipedia
Corfú (Kérkyra en griegu) ye una islla griega nel mar Xónicu enfrente de la costa noroeste d'Epiro. Ye tamién una prefectura (nomos) de Grecia y la ciudá más importante y capital de la mesma. Tamién se la conoz colos nomes de Córcira o Korcyra.
Tien un área de 593 km² y ye la mayor de les islles Xóniques. Ta separtada de la costa pol Estrechu Norte de Kérkyra, de 2 km d'anchu. La lonxitú de la islla ye d'unos 85 km y l'anchu de 18 km de media. La so máxima altura ye'l Oros Panthokrator, con 966 metros.
El nomo o prefectura de Corfú tien 641 km² y ta formáu tamién poles islles de Paxoí y Antípaxoi al sur, Mathráki y Erikoúsa al norte y dellos isllotes.
La ciudá de Corfú, capital de la prefectura del mesmu nome, alcuéntrase na oriella oriental de la islla. Durante una época tuvo baxo dominiu de la República de Venecia.
