Escudu de Gabón
De Uiquipedia
L'escudu d'armes de Gabón foi diseñáu pol heraldista y vexilólogu suizu Louis Mühlemann, ún de los miembros fundadores del FIAV y tamién diseñador del escudu d'armes del Congo. Les panteres simbolicen la xixilancia y el valir del presidente que protexe la nación. Los bezantes (discos d'oru) dientru l'escudu simbolicen l'abondancia mineral del país. L'escudu ta sosteníu por dos panteres prietes y un árbole d'okoumé que simboliza'l comerciu de la maera. La nave representa a Gabón que se mueve haza un futuru más rellumante. L'escudu d'armes ye poco usual porque tien dos cintes con lemes en dos idiomes. La cinta na parte d'abaxu l'escudu apaez el lema en francés “UNIÓN, TRAVAIL, JUSTICIE” (“Xunión, Trabayu, Xusticia”). La segunda cinta colócase embaxu de les rames del árbole del okoumé y figura'l lema en llatín “UNITI PROGREDIEMUR” (“Vaigamos adelantre en xuntanza”).
