Escudu de Togo
De Uiquipedia
L'escudu de Togo foi aprebáu'l 14 de marzu de 1962. Ta compuestu por un campu d'oru (mariellu o doráu) cargáu coles lletres RT, representaes de gules (roxu) que son les aniciales del denomatu oficial del país (en francés): “République Togolaise” (“República Togolesa”)
L'escudu ta suxetu por dos figures de lleón trazaes esquemáticamente que porten un arcu y una flecha caún. Na parte superior del escudu apaecen representaes dos banderes nacionales, asitiaes a la vez baxo una cinta na que ta escrito'l llema nacional del país en francés: “Union, Paix, Solidarite” (“Xunión, Paz, Solidariedá”). Con anterioridá'l llema que figuraba n'esti escudu foi “Travail, Liberté, Patrie” (“Trabayu, Llibertá, Patria”).
Los lleones simbolicen el valor del pueblu togolés. Les dos fleches y los dos arcos demanden a tolos ciudadanos a tomar parte activa na defensa de la llibertá del país.
