Frepic-Awañak
De Uiquipedia
El Frente Popular de las Islas Canarias o FREPIC-AWAÑAK ye un partíu políticu d' izquierdrs que busca la independencia de Canaries d'España.
El so congresu costituyente foi en mayu de 1986. El FREPIC-AWAÑAK fórmase cola confluencia d'organizaciones polítiques minoritaries como la Organización para los Comunistas Canarios (OCC), o el PRAIC (Partido Revolucionario Africano de las Islas Canarias, organización política procedente del Partido de los trabajadores Canarios (PTC), brazu político del MPAIAC).
[editar] Congresu constituyente
Nel congresu constituyente cellebráu en 1986 falóse de superar lo que consideraben "erros de la Unión del Pueblo Canario", y constitúyense en "l'embrión d'esi gran movimientu popular que nos llevará fasta la República Popular Canaria, unificando nel trescursu de la llucha a les clases y sectores populares canarios que tan, oxetivamente, en contra del dominiu colonial y pola independencia política total, refugando abiertamente y «a priori» cualesquier salida autonomista, aún d' aquelles que se proclamen como «pasos» previos al autodetermín y la independencia", definiendo al FREPIC como "una organización popular, en tanto y en cuanto aspira a ser frente de mases y non una élite revolucionaria.".
[editar] Trayeutoria
El FREPIC-AWAÑAK nunca llegó a tener representación política. Los meyores resultaos ellectorales d'esta organización fueron nes eleiciones al Senáu de 1996, nes qu'algamó cerca de 5.000 votos. De magar esti momentu el FREPIC-AWAÑAK nun tornó a presentase a les eleiciones.
Nos años últimos, tres esperimentar delles escisiones y abandonos de la formación, el FREPIC-AWAÑAK vien faciendo una política d'averamientu a Marruecos (faciendo dures crítiques al Frente Polisariu), y tanto dende la derecha como dende otros sectores del independentismu acusaselos de tar financiada pola monarquía marroquí. Tamién dende distintos sectores políticos señálase una derechización nos plantegamientos d'esti partíu.
Anguaño'l FREPIC-AWAÑAK ta encadarmáu na islla de Gran Canaria.
El secretariu xeneral del FREPIC-AWAÑAK ye Tomás Quintana.
