Gerardo Ruiz Alonso
De Uiquipedia
José Gerardo Ruiz Alonso ye un profesor d'Educación Física, estudiosu de los deportes tradicionales asturianos.
José Gerardo Ruiz Alonso nació en Xixón en 1956 y llicenciose n'Educación Física nel INEF de Madrid. Escribió la so tesina de fin de carrera sobre los bolos asturianos.
Foi profesor d'Educación Física na Universidá d'Uviéu y en diversos centros d'Enseñanza secundaria d'Asturies. Tamién imparte cursos y seminarios relacionaos cola Educación Física, l'entrenamientu y los xuegos y deportes dientro y fuera d'Asturies.
Tien publicaos diversos estudios sobre los xuegos tradicionales asturianos, especialmente los bolos y la llave, y sobre la Educación Física en xeneral.
Tamién collaboró colos diarios El Comercio de Xixón y El Segre de Lérida publicando un manual prácticu d'entrenamientu tituláu En forma.
En 1993 fue candidatu al premiu príncipe d'Asturies de los deportes y tien llevao dellos premios como el del Deporte rural en 1993 y el “Picu Peñameyera” (2000) poles sos investigaciones sobre los bolos.
[editar] Publicaciones
- El deporte tradicional del Principado de Asturias: los bolos (1983)
- Fuerza y musculación. Sistemas de entrenamientos (1990)
- Juegos y deportes alternativos en la programación de educación física escolar (1991)
- Bolos asturianos. Modalidaes, téunica y estáu actual (1992)
- La llave. De juego popular a deporte autóctono asturiano (1993)
- Educación Física en Secundaria y Bachillerato. Unidades didácticas (1999)
- Los bolos en Asturias (2000)
- Juegos y deportes tradicionales en Asturias (2001)
- El entrenamiento de la fuerza en el fútbol (2001)
