Islla de Wight
De Uiquipedia
La Islla de Wight ye un condáu insular asitiáu na costa sur d'Inglaterra, enfrente de la ciudá de Southampton. Coloquialmente ye conocía como "La islla" (The island) polos sos habitantes. La so población nel añu 2003 yera de 136.252 habitantes.
La islla de Wight ye l'único distritu unitariu d'Inglaterra que tien estatus de condáu. Tien un únicu representante nel Parlamentu
[editar] Hestoria
La mayoría del tarritoriu que compón la islla de Wight foi depositáu demientres el Cretáceu tardíu, como parte del llargu valle fluvial en que consistía lo qu'anguañu ye la costa sur d'Inglaterra. Los pantanos de la rexón sirvieron pa conservar fósiles. Por esu, la islla ye una de les llocalizaciones europees más interesantes p'alcontrar restos dedinosaurios.
La islla de Wight convirtióse en islla en dalgún intre de la última edá de xelu cuandu la medra de la mar separtó la islla del continente. La islla formó parte de la britania celta. Los [[Imperiu romanu|romanos]nomaronla Vectis. Foi conquistada por Vespasiano demientres la invasión romana. Depués de los romanos, la islla tuvo ocupada polos Xutos, una tribu xermánica, al aniciu de les invasiones anglosaxones.
Mentantu la conquista normanda fundóse'l Castiellu de Carisbrooke. La islla nun volvió tar baxu'l control dafechu de la corona fasta que nel añu 1293 foi vendida al rei Eduardu I.
Aique VIII fortificó la islla utilizando material procedente d'antiguos monasterios. Sir Richard Worsley, capitan de la islla, capitaneó la resistencia del últimu ataque francés nel añu 1545.
Ente 1597 y 1602 construyeronse les fortificaciones esteriores del castiellu de Carisbrooke. Demientres la guerra civil inglesa, el rei Carlos fuxó haza la islla de Wight creyendo que sedría bien acoyíu pol gobernador Robert Hammond. D'otra miente, Hammond ordenó encarcerlar al rei nel castiellu de Carisbrooke.
La reina Victoria fizo d'Osborne House la so residencia braniega. Eso convirtió la islla nel principal llugar de vacaciones pa la realeza europea.
[editar] Llugares d'interés
- Les roques nomaes The Needles
- El castiellu de Carisbrooke
- Osborne House, residencia de branu de la reina Victoria.
- El castiellu de Yarmouth
