Les Rita Mitsouko
De Uiquipedia
Les Rita Mitsouko ye un grupu francés de pop rock formáu en 1979 pol guitarrista Fred Chichin y la cantante Catherine Ringer, perconocíos polos sos espectáculos en direutu. El conxuntu, formáu pol matrimoniu, foi ún de los mayores ésitos musicales de Francia na década de 1980.
[editar] Historia
Entamaron les sos actuaicones nos primeros años de la década de 1980 en circuitos alternativos. El so primer ésitu foi Marcia Baila, del discu Rita Mitsouko, un cantar sobro la coreógrafa arxentina Marcia Moretto, que morriera de cáncer en 1981 y cola que entamaren dellos espectáculos anteriormente. Esti discu de debú amestaba dellos estilos, dende'l punk, al rock, pasando pel jazz o la música electrónica.
El productor y músicu americanu Tony Visconti produxo los siguientes dos discos, The No Comprendo y Marc et Robert, nos que rescamplaren dos de los sos mayores ésitos: C'est comme ça y Andy.
Jean-Baptiste Mondino dirixió la mayoría los sos vídeos musicales, y el direutor Jean-Luc Godard rodó un curtiu-metraxe documental so la grabación de The No Comprendo en 1986, entituláu Soigne ta droite.
[editar] Discografía
- Rita Mitsouko (1984)
- The No Comprendo (1986)
- Marc et Robert (1988)
- Système D (1993)
- Cool Frénésie (2000)
- La Femme Trombone (2002)
[editar] Enllaces esternos
- Biografía de Les Rita Mitsouko, en Radio France Internationale
- Páxina non oficial del grupu
