Mickey Mouse
De Uiquipedia
Mickey Mouse foi'l primer personaxe de dibuxos animaos de la empresa Disney. Foi creáu por Walt Disney y Ub Iwerks en 1928 durante un viaxe en tren. Inicialmente Walt Disney bautizólu como Mortimer, y foi la so muyer la que-y aconseyó'l nome de Mickey. Cuando tornaron, Walt Disney entamó a trabayar col so xefe d'animación, Ub Iwerks, nesti nuevu personaxe. La primera película llamóse Plane Crazy ("Llocu polos aviones").
El 18 de payares de 1928 estrenóse nel "Colony Theater" de Nueva York Steamboat Willie, el tercer cortumetraxe del personaxe y primeru n'utilizar el soníu. Dao que foi un gran éxitu Walt Disney continuó realizando películes con Mickey como protagonista. En 1940 produxo Fantasía, film que resultó ser una gran innovación pa la dómina debido a les técniques d'animación que s'emplearon (en color y con soníu n'estéreo). La idea surdió a partir del deséu de Walt Disney d'atopar un vehículu afayaízu pa promocionar a Mickey Mouse, que fuera eclipsáu pola personalidá pendenciera de Donald. Esta película nun tuvo l'éxitu esperáu hasta años depués, na década de los 60.
Mickey tien una fiel mascota llamada Pluto.
L'imperiu Disney foi medrando y a él fueron amestándose-y otros personaxes que col tiempu fueron convirtiéndose tamién en dibuxos animaos clásicos.
