Puntu d'ebullición
De Uiquipedia
El puntu d'ebullición ye la temperatura a la qu'un elementu o compuestu químicu pasa del estáu llíquidu al gaseosu. A la inversa denómase puntu de condensación.
La temperatura d'una sustancia o cuerpu ye una midida de la enerxía cinética de les molécules. A temperatures inferiores al puntu d'ebullición, namái un pequeñu porcentax de les molécules na superficie tien enerxía abonda pa romper la tensión superficial y escapar.
Al llegar al puntu d'ebullición les más de les molécules ye pa escapar dende toles partes del cuerpu, non sólo dende la superficie. Sicasí, pa la creación de burbuxes en tol volume de llíquidu necesítense imperfecciones o movimientu, precisamente pol fenómenu de la tensión superficial.
Un llíquidu pue calentase pasáu'l so puntu d'ebullición. Nesi casu dizse que ye un llíquidu sobrecalentáu. Nun llíquidu sobrecalentáu, una pequeña perturbación va provocar una ebullición esplosiva. Esto pue asoceder, por exemplu, al calentar agua nun recipiente llisu (como por exemplu'l Pyrex) nun fornu microondes. Al echar zucre nesta agua sobrecalentao, el conteníu completu pue ebullir na cara del usuariu, causando quemadures.
