Shōnen Jump
De Uiquipedia
Shōnen Jump (少年ジャンプ) son dos revistes recopilatories de manga, una selmanal y la otra mensual, espublizaes por Shūeisha. La revista selmanal ye anguaño la más vendida de Xapón (amás de ser la revista de cómics más vendida del mundu), con 6 millones d'exemplares cada selmana.
N'ella espublizáronse munches obres que darréu tendríen munchu éxitu nel formatu tankōbon (tomos de 200 páxines). La Shōnen Jump ta empobinada al shōnen (ye dicir, haza mozos adolescentes). Les histories suelen tener muncha aición y aventura, y davezu los sos protagonistes son mozos xóvenes con habilidaes especiales.
Non sólu s'espubliza en Xapón, sinón que tamién nos Estaos Xuníos, Canadá, Alemaña (nesti caberu país col títulu de "Banzai!"), y Suecia. Anque la revista nun se vende en países como Corea del Sur, Hong Kong, Taiwan y Tailandia, los títulos de manga de Shōnen Jump tornense y distribúin nesos países.
