Sobrarbe
De Uiquipedia
El Sobrarbe ye una comarca aragonesa asitiada al norte de Huesca.
- Capitales: Boltaña y Aínsa-Sobrarbe
- Superficie: 2.202,70 km²
- Población: 7.151 habitantes (2005)
- Densidá: 3,25 hab/km²
- Municipios: Abizanda, Aínsa-Sobrarbe, Bárcabo, Bielsa, Boltaña, Broto, Fanlo, Fiscal, La Fueva, Gistaín, Labuerda, Laspuña, Palo, Plan, Puértolas, El Pueyo de Araguás, San Juan de Plan, Tella-Sin y Torla.
Al norte de la comarca alcuentrense les valles de los ríos Ara, Cinca y Cinqueta y la valle de Bio, al sur les sierres de Guara y Olsón y na fastera central delles depresiones comu Broto, Fiscal, Arcusa y La Fueva. Dientru de la comarca tamién s'alcuentra'l Parque Nacional d'Ordesa y Monte Perdíu.
Los dos núcleos principales de la comarca son les capitales Boltaña y Ainsa. El municipiu d'Ainsa-Sobrarbe formose pola xuntura de dellos términos municipales.
Llenda al norte con Francia, al oeste col Altu Gállego, al este cola Ribagorza y al sur col Somontano de Barbastro.
[editar] El condáu y reinu de Sobrarbe
El Sobrarbe ye ún de los trés condaos que formaron Aragón. Foi ún de los condaos de la Marca Hispánica, cuya escura hestoria foi entellazada con lliendes na dómina d'Íñigo Arista de Pamplona primer rei de Navarra y al paecer conde de Sobrarbe.
Nel sieglo X, el condáu de Sobrarbe foi absorbíu pol condáu de la Ribagorza. Sancho'l Grande de Navarra aprofitó les dificultaes del tarritoriu, emplegando los sos drechos comu descendiente de Dadildis de Le Pailhars pa rializar l'anexón en 1016-1019. Más sero dixebraría los sos tarritorios ente los sos fíos, dexando al terceru, Gonzalo Sánchez, comu rei de Sobrarbe y Ribagorza. Tres la muerte de Gonzalo en 1038, el tarritoriu pasó al so hermanu, Ramiru I d'Aragón, colo que se formó'l primitivu tarritoriu del reinu d'Aragón.
