Softastur
De Uiquipedia
Softastur ye un proyeutu de torna de software llibre al asturianu.
Tabla de conteníos |
[editar] Antecendentes
El 5 de xunu de 2002 Xosé S. Puente anunciaba Mozilla 1.0: el primer navegador n'asturianu, y nun yera sólo el primer navegador sinon tamién el primer software llibre tornau al asturianu. El trabayu entamolu un cachu enantes, ya que amás de la complexidá de la torna d'un códigu tan estensu había que sumar que daquella l'asturianu entá nun tenía códigu ISO 639. La Fundación Mozilla pide esi códigu pa dar soporte al idioma, polo que ficieronse entos los trámites p'algamar el códigu d'aguañu ast.
[editar] Hestoria
Pero la idega de entamar un proyeutu pa la torna de software llibre nun xurde hasta l'añu siguiente (2003), cuando Mikel González finó la torna de phpBB y pusose en contautu con Xosé pa propene-y l'entamu d'un proyeutu común que coordinase y diere soporte a la torna de cualisquier software llibre al asturianu y evitar el duplicar esfuerzos.
Dempués de pasar por dellos servidores gratuitos, y milenta caides de la páxina y llistes del proyeutu, algamose un servidor privau pa aloxar la web y abellugu na comunidá SourceForge.net pa ficheros y llistes de corréu.
Dende entós muncha ye la xente que collabora col proyeutu y preba d'ello ye el númberu d'aplicaciones asoleyaes en tan pocu tiempu, entre les que destaquen (amás de Mozilla y phpBB) Firefox, Thunderbird, Abiword, Php-Nuke, 7-Zip, Calendar, Phorum, Poedit y TvAdmin (esti últimu ñació n'asturianu).
[editar] Futuru
Aguañu Softastur trabaya no que sería el primer sistema operativu n'asturianu, participando nel proyeutu Rosseta pa la torna d'Ubuntu. Ya tan feches les primeres tornes de Gnome de Gimp y de Gaim, esparase que pa la siguiente versión d'Ubuntu (6.04 "DapperDrake") ya ten afayaizos. Tamién hai otros proyeutos entamaos como Emule.
