Termómetru
De Uiquipedia
Aparatu que sirve pa midir la temperatura d'un cuerpu, magar que d'avezu mídese la temperatura d'un fluyíu, polo xeneral l'aire. Los más emplegaos antiguamente taben fechos de mercuriu, pero sostituyóse esti material pol alcohol, yá que nun ye tan peligrosu como l'anterior. Esti tipu de termómetru furrula por dilatación: mídese l'aumentu de volume d'alcohol según la temperatura a la que tea espuestu. Otros tipos furrulen por variación de resistencia, emisión lluminosa o cualsiquier otra magnitú que camude cola temperatura.
Tabla de conteníos |
[editar] Escales de temperatura
La escala más emplegada na mayoría los países ye la escala Celsius o centígrada; esta cabera ye la denomación tradicional, que foi camudada pola de Celsius en 1948 n'honor a Anders Celsius (1701-1744).
Otres escales emplegaes na fabricación de termómetros son:
- Fahrenheit, na mayoría los países anglosaxones
- Réaumur, en desusu
- Kelvin, emplegada namái que nos llaboratorios.
Dellos termómetros de llaboratoriu fabríquense con dos o más escales.
[editar] Tipos de termómetros más emplegaos
- Termómetru de vidriu: trátase d'un tubu de vidriu sellau que contién un llíquidu, xeneralmente mercuriu o alcohol, con colume que camuda cuando lo fai la temperatura. Esti cambéu de volume visualízase nuna escala graduada que polo xeneral atópase en graos Celsius.
- Termómetru de resistencia:
- Termopar:
[editar] Calibración d'un termómetru
La calibración d'un termómetru realízase por un métodu de comparación, que consiste en comparar la indicación del termómetru cola d'ún de mayor precisión, cuando dambos atópense nun mediu afayaízu que reproduza una temperatura de manera controlao.
Un termómetru calíbrase pa tener confianza na so indicación. Al traviés del certificáu de calibración asegúrase la trazabilidá de patrones ñacionales de midía y facilítense asina les transaiciones comerciales.
[editar] Campu d'aplicación
La medición esauta de la temperatura ye vital nun ampliu espeutru d'actividaes humanes, tales como los procesos industriales, el monitoréu y control d'alimentos, la salú y la seguranza. De fecu, en cásique tolos seutores la temperatura ye ún de los parámetros clave pa ser midíu.
[editar] Termómetros especiales
Pa midir dellos parámetros empléguense ciertos termómetros modificaos, como los que vienen darréu:
- El termómetru de globu, para midir la temperatura radiante.
- El termómetru de bulbo húmedu, pa midir l'influxu de la humedáe na sensación térmica.
- El termómetru de másimes y mínimes en meteoroloxía.
