Xunta Xeneral del Principáu d'Asturies
De Uiquipedia
La Xunta Xeneral del Principáu d'Asturies (Junta General del Principado de Asturias n'español) ye'l muérganu supremu de representación del pueblu asturianu. Los sos miembros son elexíos polos ciudadanos de forma democrática pa desempeñar el papel llexislativu.
Pa ser fiel al principiu de división de poderes, la función executiva asígnala a otru muérganu que xurde del propiu parllamentu: el Gobiernu del Principáu d'Asturies. Al Presidente del Principáu elíxelo la xunta ente los sos miembros y esti escueye el Conseyu de Gobiernu.
La Xunta tien el so orixen en 1388 cuando'l rei Xuan I crea el Principáu d'Asturies, inaugurando el título l'infante don Enrique. Como muérganu xestor creóse la Xunta de Conceyos, que tuvo vixente hasta l'añu 1834 en que la sustituyó la Diputación Provincial.
Cabe destacar que'l 25 de mayu de 1808 la Xunta proclamóse soberana, rebelándose escontra'l poder central en manos de los franceses. Enviáronse embaxadores a Inglaterra y se-y declaró la guerra a Napoleón.
[editar] Les sedes
La Xunta Xeneral tien la so sede nun palaciu asitiáu nel solar del antiguo conventu de San Francisco, na cai Fruela d'Uviéu. Antes usaba la Catedral pa facer les reuniones.
[editar] Enllaces esternos
- Páxina oficial de la Xunta (en castellanu)
