İstifadəçi müzakirəsi:Oguztogrul
Vikipediya, açıq ensiklopediya - ویکیپدیا ، آچیق انسایکلوپدیا
Mündəricat |
[redaktə / تحریر] Xoş gəlmisiniz
Salam Oguztogrul, Azərbaycan Vikipediayasına xoş gəlmisiniz. Vikipediyanı zənginləşdirmə uğrunda köməklərinizi arzulayıram. Mehrdad 03:55, 8 Noyabr 2006 (UTC)
[redaktə / تحریر] Oğuztoğrul Tahirli
Salam Oguztoğrul.
İsitifadəçilərin özləri haqqında məqalə yaratması vikipediya prinsiplərinə ziddir, ona görə də sizin məqaləniz silindi.
İstifadəçilər özləri haqqında məlumatı öz istifadəçi səhifələrində verə bilərlər və siz bu informasiyanı vermisiniz, istəsəni onu redaktə edərək, zənginləşdirin.
Diqqətinizə görə minnətdaram. Köməyə ehtiyacınız olsa buyurun müraciət edin. Vikipediyaya dair istənilən sualınıza cavab verməyə hazıram.--A_M_D 15:53, 21 Yanvar 2007 (UTC)
Mən elə bilirdim, burda canlı insan yoxdu. :-))) Sual vermək olar?
Salam Oğuz Tahirli.
Doğrusu məqalənin silinməsinin sizə bu cür radikal sözlər deməyə vadar edəcəyini düşünməmişdim. Amma etdiyim hərəkət vikipediya prinsiplərinə uyğundur.
Etdiyiniz redaktələrdə heç bir əksiklik görmədim. Amma siz bir şeyi nəzərdən qaçırtmısız. Belə ki, buraya təkcə Azərbaycan respublikasından istifadəçilər qatılmırlar. Bura Cənubi Azərbaycandan daha çox aktiv iştirakçı qoşulur, nəinki, Şimaldan. Bilmirəm bilirsiz ya yox, amma Cənubda Azərbaycanlılar öz dillərində təhsil alma hüquqları yoxdur. (Doğrusu soyadınız cənublu olduğunuza daha çox təssürat yaradır, yazınızın səhvsiz yazılışı isə əksinə). Buna görə də onlar Elmi-bədii Azərbaycan dilindən kənardırlar və məcburdurlar öz ləhcələrindən istifadə etsin. Burada isə mən heç-bir əksiklik görmürəm. Əgər onların etdiyi dəyişiklik Azərbaycan dilinin normalarına uyğun olmayan hissələri dəyişdirilir (tez və ya gec amma dəyişdirilir). Amma istifadəçilərin İstifadəçi səhifələri bu cəhətdən istisnadır. Onlar orada istədikləri sözləri, istədikləri formada, istənilən jarqonlardan istifadə etməklə və s. kimi yaza bilərlər. (Düzdür etik-əxlaqi normalar hamı üçün eynidir.) Etdiyiniz dəyişiklik isə istifadəçi səhifəsinədir. Mən sizin redaktələrinizi geri çəkməyəcəyəm, çünki Mehrdadın bu məsələyə özünün münasibəti daha vacibdir. O çox güman ki, sizə öz münasibətini bildirəcək.
İndi isə belə, bir daha vikipediyaya xoş gəlmisiz. Ümid edirəm ki, Redaktə qaydaları ilə tanışsız-əgər yox, onda bu yazının üzərindən basın və tanış olun.
Sualınızı istənilən istifadəçiyə istənilən zaman verə bilərsiniz. Mənə versəniz çox şad olaram. Amma lütfən bunu mənim istifadəçi səhifəmə yazın, bu zaman sizə daha tez cavab verə bilərəm.
Əfsuslar olsun ki, düzəltdiyiniz səhvlər bu günkü Azərbaycan vikipediyasında en qədərdir. Amma düşünürük ki, sizin kimi istifadəçilərin sayəsində bu səhvlər zamanla aradan qalxacaq.
Ümid edirəm ki, mətnin yığılması zamanı verlimiş və s. yazı səhvlərini səhv tutmazsız. Belə ki, bu məqalə deyil, yalnız istifadəçilər üçün nəzərdə tutulmuş yazışma səhifələridir. Burada səhv buraxmaq olar :)))
Buyurun sualınızı verin--A_M_D 18:14, 21 Yanvar 2007 (UTC)
Salamlar. Burada hamı nikdən istifadə edir, Mənimsə daha çox adlar yadımda qalır.
Mənim adım Oğuztoğruldur (Oğuz yox), soyadım isə Tahirlidir.
Mən güneyli deyiləm. Bakıda doğulmuşam.
Atam Ədalət Tahirzadə vaxtilə Azərbaycan Respublikasının prezidenti, "Bütöv Azərbaycan Birliyinin" qurucusu olmuş rəhmətlik Əbülfəz bəyin yaxın silahdaşı idi. Xalq Cəbhəsi iqtidarında Atam Təhsil Nazirinin müavini olaraq çalışıb. Və Mən fəxr edirəm ki, bugünkü Azərbaycan intellektinin formalaşmasına birbaşa təsir edən əsas amil- rus ruhlu dərsliklərin Azərbaycan-türk ruhunda dəyişdirilməsi, 93 növ yeni dərslik proqramının həyata keçirilməsinə Atam rəhbərlik edib.Hazırda isə Atam sadə müəllim babadır. Həyatımız lüks keçməsə də, doğma Vətənimiz Azərbaycanın tozu hopmuş duz-çörəyi bizim üçün dünyanın bütün nemətlərindən üstündü.
Özüm tələbəyəm. Azərbaycan Dİllər Universitetinin Avropaşünaslıq və Beynəlxalq Münasibətlər fakültəsinin IV (sonuncu) kurs tələbəsiyəm.
İnşAllah, yayda 1 illiyə hərbi xidmətdə olacam.
Dərslə bərabər işləyirəm. Feyzi Reklam Agentliyinin dizayneriyəm.
Milliyətimi soruşana azərbaycanlı yox, türk deyirəm.
Bozqurddan xoşum gəlir. (Bunda Hüseyn Nihal Adsızın "Bozqurdlar" kitabının mühüm təsiri olub).
Nə bilim. Hər bir kəs özünü vətənpərvər sayır. Mən də istisna deyiləm.
Azərbaycan türkcəsində ensiklopedik- virtual lüğətin yazılmasına öz töhfəmi verməyi çox istərdim. Amma zamanım yoxdu. Çünki öz sosial problemlərimi həll etmək üçün işləmək zorundayam. Sizə bacardıqca kömək etməyə hazıram. Siz Mənə sadəcə mövzu verin, Mən onu çatdıra bilsəm işləyim, Siz də yerləşdirin.
Burda xidmətin kommersiya tərəfləri ilə tanış deyiləm, amma gördüyüm işə görə əməkhaqqı alsaydım (təxminən 500$) öz hazırkı işimdən imtina edə, və dərsdən kənar bütün zamanımı Sizə ayıra bilərəm.
Əslinə baxılırsa, bu işə töhfəsini vermək bütün cəmiyyətimizin borcu olmalı, o cümlədən də Mənim. Amma mövcud situasiyanı da izah etdim. Əgər Mən təklif etdiyim variant mümkün deyilsə, heç bir problem yoxdu. Mən bacardığım səviyyədə Sizə yardımçı olmağa çalışacam. Əslində, səmimi olsam, bu işi kiminsə xoşuna gələ bilməkdən ötrü yox, Vətənim qarşısında Özümü borclu saydığıma görə edəcəm.
Nə isə. Çox danışmaqdansa az işləmək yaxşıdı.
Hələlik.
O.Tahirli.
Salam Oğuztoğrul.
Demək belə ilk öncə sizin üçün pis xəbərdən başlayacam-təəssüf ki, Vikipediyanın heç bir kommersiya məqsədi yoxdur. Olsaydı sizə böyük məmuniyyətlə iş təklif edərdik. Vikipediya özü pulsuz ensiklopediyadır. Vikimediya fondu özü istifadəçilərin yardımı hesabına fəaliyyət göstərir. Fikir vermisinizsə səhifənin yuxarı hissəsində ki, bildirişdə fonda kömək etmiş hər kəsə təşəkkür elan edilir. Beləliklə vikipediya qazanc mənbəyi deyil. Mən bilən Vikipediyanın yaradıcısı Cimi Ualles belə işinə görə maaş almır (alsa da təkcə o alar).
Atanıza minnətdarıq ki, Azərbaycan ruhlu bugünkü gənclərin yetişməsində öz töhfəsini vermişdir. Vikipediya da Azərbaycan elminə internet-virtuallıq, İnternetə isə Azərbaycan elmini gətirməklə bu işin davamçısı olmaq istəyir.
Mövzunu seçməkdə hər bir istifadəçi azaddır, bu məcburi deyil. Amma Atanızın 88-93-cü illər hadisələrinin iştirakçısı və şahidi olduğunu nəzərə alsaq Sizə Azərbaycanın bu tarixi dövrünü əks etdirən məqalələr yazmağı tövsiyə edərdim. Amma bir şərtlə ki, məqalələr neytral nöqteyi nəzərdən yazılacaq, yəni subyektiv nöqteyi nəzər olmayacaq--bu vikipediyanın beş əsas prinsipindən biridir. Lütfən iqtidar müxalifət zidiyyətlərini bir kənara qoyun. Bu dövrdə isə Azərbaycanda kifayət qədər tarixi hadisə baş verib və bu gün Azərbaycan cəmiyyətində aparıcı yer tutan şəxslər peyda olub. Bu günkü müstəqil Azərbaycan həmçinin həmin dövrün məhsuludur. Dediyim mövzuda yazsanız Az-vikisindəki böyük bir boşluğu aradan qaldırmış olacaqsız. Amma vikipediyada heç nə məcburi deyil, həmçinin mövzu seçimi.
Sizin yazılarınıza cavabımda səmimilik olsun deyə bir azda mən özüm haqqında--Mən də tələbəyəm (BDU-Sosiologiya),özümü daha çox azərbaycanlı kimi təqdim etməyi xoşlayıram, hərbi xidmətdə olmamışam amma çox qalmayıb (sizdə lap az qalıb-bu işdə sizə UĞURLAR), özümü fanat yox, vətənpərvər sayıram. Adım elə nikimdir (AMD adımın ingiliscə qısaldılmış formasıdır, düşünsəniz tez taparsız--amma beyninizi boş şeyə görə yormayın AMD kifayətdir.) Dediyiniz kitabı oxumamışam, amma söz verirəm ki, qarşıdan gələn tətildə Axundovda onu axtaracam, tapsam oxuyaram.
Düzdür hal-hazırda vikipediyada aktiv bir iki nəfər var. Çox adam son bir ayda passivləşib, həmçinin mən. Mənim passivləşməmə səbəb isə qış imtahanlarıdır. Onların qurtarmasına isə az qalıb. Amma sizi bu sahədə bacardığınız qədər aktiv olmağa çağırıram.
Dizaynerin istifadəçi səhifəsi gərək bu cür olmasın. İstifadəçi səhifənizə əl gəzdirsəniz pis olmaz.
Vikipediyanın zənginləşməsinin Azərbaycan üçün nə dərəcədə əhəmiyyətə malik olduğunu başa düşdüyünüz Sizə üçün minnətdaram. Heç kim Azərbaycan dilində Vikipediyanı kiməsə görə zənginləşdirmir, istifadəçi müəyyən mənada bu məsuliyyəti dərk edir və zənginləşdirir. Bundan sonrada əlimdən gələn köməyi etməyə hazıram.
Keçən dəfə sual vermək istəyirdiniz. Yazınızda suala rast gəlmədim.
Sonda, lütfən mesajlarınızı yazarkən yeni bölüm yaradın və ora yazın, belə sizin mesajlarınızı oxumaq daha da rahat ola bilər.
Sağolun--A_M_D 20:15, 22 Yanvar 2007 (UTC)
[redaktə / تحریر] Hərf səhvləri
Yazınızda bəzi hərf səhvləri vardı. Bilmirəm, haqqım vardı yoxsa yox, düzəltdim. O.Tahirli
- Salam O.Tahirli, Vikipediya bir açıq ensiklopediya olduğu üçün, zəngiliyi və düzgünlüyü sizin kimi istifadəçilərin islahından və yaradıcılığından asılıdır. Lütfən bir məqalənin mətnin səhv güman etsəz, onun düzəltməyin müzakirə səhifəsində müzakirə edin, yoxsa hərf və imla və inşa səhvləri olsa düzəldin. İstifadəçi və müzakirə səhvləri yalnız istifadəçiləriylə müzakirə edin, belə istifadəçiyə məxsus olan səhifələri düzəltmək düz iş dəyil.
Mən cənubi Azərbaycandan olduğum üçün, Azərbaycan dilində təhsil almaq imkanatım olmayıb və ana dilimi ancaq şifahi şəkildə oyrənmişəm. Yazılarımı düzəldən istifadəçilərdən çox oyrənirəm. Sağolun --Mehrdad 15:17, 22 Yanvar 2007 (UTC)
Salam, AMD. Adını sirr saxlamaqda bir məna görmədim. O abbreviatura ingiliscə [ey-em-di] kimi tələffüz olunur. Hansı ada oxşadığını təxmin etmədim. Amma adi yazılışından Amid adına bənzəyir. Boş şey deməzdim, amma bunun üstündə baş sındırılmasında məna görmürəm. Verdiyin "pis" xəbərə gəlincə, əvvəlcədən qeyd etmişdim ki, mümkün deyilsə problem yoxdu. Axı Mən öz mövcud iş yerimi itirməmişəm. Deməli, hər şey öz qaydasındadı. Dediyiniz dövrə gəlincə, məhz həmin dövr məhz Atam tərəfindən artıq işlənilib və "Meydan 4 il, 4 ay" adı altında 2 cilddə çap olunub. Bu kitabın dəyəri ondadı ki, o zamankı hadisələr heç də bugünkü baxışlarla təhlil olunmur. Həmin dövrdə baş verən hadisələr operativ surətdə elə həmən andaca Atam tərəfindən qeyd olunub. (Çıxışlar, mitinqlər, meydan hərəkatının meydana gəlməsindən Bəyin hakimiyyətə gəlməsinə qədərki bütün dövr). Yəni orda heç kim pislənilmir, heç kim də təriflənmir. Çünki o kitab yazıçının subyektiv fikirlərinin təhlili yox, bir növ cəmiyyətdə baş verən hadisələrin peşəkar bir jurnalist tərəfindən tarixə yazılmasıdır. (Əgər Atama peşəkar deyirəmsə, bəlkə də təvazökarlıqdan uzaq düşürəm, amma xatırladım ki, Ədalət Tahirzadə hələ sovet dönəmində "Elm" qəzeti kimi nüfuzlu bir məcmunun redaktoru, xalqın mətbuata olan tələbatını təkbaşına ödəyən "Azadlıq" qəzetinin qurucularından biri və redaktor müavini (Allah Nəcəf Nəcəfova rəhmət eləsin) olub, və artıq illərdir ki, tələbələrimizə dil, ədəbiyyat fənnləriyla yanaşı, jurnalistika tarixini də öyrədir. Əslinə baxanda Mənim məqsədim Atamı Sizə tərifləmək deyil, hazırda Onun bundan xəbəri olmadığı kimi, ehtiyacı da yoxdur. Ona öz ziyalı dostları arasında dəyər verən insanlar kifayət qədərdi. Mənimsə Ondan danışmaqda məqsədim, lovğalanmaq yox, sadəcə Sizi inandırmaqdı ki, həmin kitabda yazılan hadisələr doğrudan da olub, və nöqtə-vergülünə toxunulmadan TARİXƏ köçürülüb. Nə isə. Hazırda Mənim də imtahanlarımın qızğın dövrüdü. İşlədiyimi isə artıq yazmışam. Dizayna gəlincə, heç Mən özüm də nəinki öz səhifəmin, heç bütünlüklə saytın quruluş-görünüşünü bəyənmirəm. Amma səsimi çıxartmıram, çünki Mənim prinsiplərimdən biri budu ki, hər kəs bacardığı işin qulpundan yapışmalı, peşəkarı olduğu sahədən danışmalıdı. Yəni Mən web-dizayner deyiləm, küçə-çöl reklamı dizayneriyəm, əgər nəyisə tənqid etsəm, gərək ondan yaxşısını Mən düzəldim, bu isə Mənim bacardığım iş deyil axı. :-)
[redaktə / تحریر] Mehrdad`a məktub.
Əziz Mehrdad, bəlkə sözlərimdəki kobudluq xətrinə dəyəcək, amma Mənimçün, mehribanlıq, ya da təvazökarlıq yox, səmimiyyət başlıca keyfiyətdi. Qulaq as, Dostum, Mənim 21 yaşım var. Bəlkə də, bu Sizin yaşınızdan 3 dəfə azdı, bəlkə də tərsinə, 2 dəfə çoxdu, fərq etməz. Demək istədiyim odu ki, bu yaşa çatmışam, hələ heç kim, heç vaxt (hətta valideynlərim də) Mənə nəyisə qadağan edə, senzura qoya bilməyib. Əgər Siz Mənə təklif edirsinizsə ki, nəyisə etməmişdən əvvəl kimdənsə icazə alım, bu Mənlik deyil əvvəlcədən deyirəm. Məni bucür qəbul etmirsinizsə etirazım yoxdu. Burda bütün işlər könüllü görülür. Baskıyla sevgi olmaz. Əgər Mən nəyisə düzəldəcəmsə BUNU HEÇ KİMDƏN İCAZƏ ALMADAN düzəldəcəm. Əgər icazə almaq zorundayamsa, deməli, heç nəyi düzəltməyəcəm. Mən azad Cümhuriyyətin azad oğluyam. Mənim ölçüm üçün düzəldilən qəfəs yoxdur həyatda. Məni düzgün anlayın. Mən heç də demək istəmirəm ki, Mən bomba oğlanam və buna görə də icazə almıram. Onu demək istəyirəm ki, Mən yalnışı doğru edirəmsə icazəyə gərək görmürəm. Əgər lovğalığım ifrata varıbsa Mənimlə hələ heç "bismillah" demədiyimiz əməkdaşlığa son qoya bilərsiniz. Amma Mənim fikrim qətidi. Oğuztoğrul Tahirli. oguztogrul@yahoo.com
[redaktə / تحریر] Well done, AMD628 Anonymous!
Salam, dostum. Hakerlər və onların manifesti haqda oxudum. Həmçinin mətnin tərcüməsi. Hamısı əladı. İşini çox bəyəndim. Təşəkkürlər, uğurlar. Oğuztoğrul Tahirli. P.S. Tənqidi üstün tutan insandan eşitdin tərifi.
- təşəkkür edirəm. Şadam ki, xoşlamısan. Məqalənin gözəl alınmasında detectorunda məlumatları lap yerinə düşüb. Ümid edirəm daha gözəlini yazacaqsan :)
- Doğrusu gec də olsa Mehrdada məktubunda yazdığına münasibətimi bildimək istərdim. Müzakirə etmək heç də icazə almaq demək deyil. Elə məsələlər var ki, onlar həqiqətəndə müzakirə olunmalı sonra məqaləyə daxil edilməlidir. Məsələn İmadaddin Nəsimini qəzəlində həmin bu sözü müzakirə etmək lazımdır. Fikrimcə Mehrdad bunu demək istəyirdi. Ümid edirəm məni düzgün başa düşdün və "bismillah"ın ardı gələcək :)
- Uğurlar --A_M_D 13:00, 7 Mart 2007 (UTC)
[redaktə / تحریر] Şəkil
Salam, Gorünür şəkilin necə yerləşdirməsin yaxçı tapmısız. Müzakirə səhifələrində mesajlarınızın altinda imza etsəz daha yaxçı olar. İmza üçün sağdan 4-cü düyməni baszaz da ~~~~ daxil edər, və sonra səhifəni qeyd etdikdən sonra bu sizin imzanıza çevrilər. Hələlik --Mehrdad 15:41, 7 Mart 2007 (UTC)
[redaktə / تحریر] Yenə Mən
Salam, Mehrdad. Yazmağına sevindim. Demək keçən dəfəki incikliyi unutmusan. Qulaq as, Mən bir neçə səhifəyə (məs. Üzeyir bəylə bağlı) dəyişikliklər etdim. Elçibəy səhifəsini isə tam yenilədim. Özümdən yeni səhifə yarada bilmirəm. Redaktə edə bilirəm, amma yenisini işləyə bilmirəm. Kömək edəcəyinə umudluyam. --Oguztogrul 18:21, 7 Mart 2007 (UTC)Oğuztoğrul Tahirli. P.S. Yaşını öyrənə bilərəmmi? Bu Mənə Sənə "Sən" yoxsa "Siz" deyə müraciət etməyimə görə vacibdi. Axı bilmirəm Məndən balacasan, yoxsa böyüksən.
- Salam Oguztogrul, Dostum mənim sizdən heç incikliyim yoxdur. Yeni səhifə yaradma üçün siz soldə bələdçi qutusunda Kömək keçidini tıklayın sonra kömək səhifəsində Yeni məqaləni necə yaratmalı? hissəsinə baxin. Bir başqa yoluda odur ki bir daxili keçid əlaqəli məqalədə yaradın sonra o keçidi açıb məqaləni redaktə edin. Mənim 41 yaşım var. Sagolun. --Mehrdad 08:30, 8 Mart 2007 (UTC)
