Friksos
Diwar Wikipedia, an holloueziadur digor
Friksos a oa mab d'ar roue Atamas ha da Nefele, ha breur gevell Helle. Heskinet ma oa gant e lezvamm Ino, e tec'has an daou vugel war gein ar maout askellek Krisomalos da vro Kolchida. Kouezhañ a reas e c'hoar er mor, ha beuziñ a reas.
Yac'h ha dibistik avat e oa ar breur pan erruas eno, ha degemeret mat e voe gant ar roue Eetes a roas dezhañ e verc'h C'halkiope da bried. En eskemm e roas kroc'hen aour ar maout d'e dad-kaer, a istribilhas e brof kaer en ur wezenn. Meur a vugel o doe an daou bried, en o zouez Argos, a voe unan eus an Argonaoted.
