Diskùsëjô:Pòmòrsczé gardë
From Wikipedia
Hewòtnô starna mô za zgrôw òprôcôwanié mionowiznë pòmòrsczich gardów, w historëcznëch greńcach. Zdrzë téż: Zdroje do mionowiznë pòmòrsczich gardów.
Spisënk zamkłoscë |
[edicëjô] Kôłczëgłowë
Pò pòlskù je Kołczygłowy (Bëtowsczi kréz), nie jem do kùńca gwës tegò, zë Kôłczëgłowë je pòprôwną wersëją - proszã ò kòrektã. --Kaszeba 21:46, 13 zélnika 2005 (CEST)
- Jô téż nie jem te gwës. W Lorentza Slawische Namen Hinterpommerns to nie je klôr, òn nie pòdôwô przë ti wsë niżódny kaszëbsczi fòrmë, a leno etimologijã. Jô nie wiem jak to je pòprôwno, je nót sprôwdzëc to w jinszëch zdrojach. Ùczk 22:16, 13 zélnika 2005 (CEST)
- Jo, ù Lorentza jô ju za tim wzirôł, stądka sã pitôm. Òbôczã, mòże je cos ù Zëchtë. Pòzdrówk --Kaszeba 22:51, 13 zélnika 2005 (CEST)
[edicëjô] Stolpsk
Stolpsk, Słëpskò czë Słëpsk?? Słëpskò jakno ë Słëpsk pòdiwô na 100% Lorentz.--Kaszeba 12:10, 14 zélnika 2005 (CEST)
- Nen Stolpsk jô miôł ju dôwno dze wëczëtóné (wierã w Òdrodze) ë tak móm so to zapamiãtóné. Òglowò mëslã, że je nót warcëwac do stôropòmòrsczich mionów ë słowiznë, a doch stôropòmòrsczé stołp(a) = pl. słup, ë nawetka jesz Sëchta mô to zanotérowóné. Lorentz pòdôwô midzë jinszima Stolp 1240, Stolptzk, Stolpa, ëtd., a Trepczik òkòma Słëpsk bédëje téż prawie Stołp. Tak tej, wedle mie nôlepszim rozwiązanim je:
- Stołp abò Stolpsk jakno główné miono + w nawiasu Słëpsk (ë Redir), bò niesztôt na fòrma dominëje w mediach ë nie je mòżlëwé dzysô òd ni ùceknąc.
- Ë żebë bëło klôr: Stołp/Stolpsk nie są niżódnyma "miemiecczima" mionama, bò: 1. to prawie miemiecczé Stolp pòchòdô òd pòmòrsczégò miona, 2. Sëchta òd starszëch lëdzy miôł téż zapisóné Sztolp- ë leno takô fòrma òznaczałabë ùżiwanié miemiecczégò miona.
- A tak dëcht na marginesu, to baro sã dzëwùjã, że niechtërny dzejôrze chcą wszëtczim pòkôzac zakòrzenienié Kaszëbów we Westrzédny Pòmòrsce (w co prawie wiele lëdzy tam nie wierzi), a równoczasno nie wôrcają do stôrëch pòmòrsczich mionów a leno adaptëją pòlsczé miona, wedle reglë: "wësokô mòwa" -> "niskô mòwa". (a to ju tikô sã nie le blós mionów gardów, ale òglowò téż całi słowiznë). Pòzdrówk, Ùczk 01:18, 19 zélnika 2005 (CEST)
-
- Widzã, że jakòs drãgò sã z tobą gôdô ë że nie wëdiwô sã ce zajimac to dlôcze chtos sã ò cos pitô.
- Żebë bëłô klôr:
- 1.Żle ju, to : Slupsk 1236, Slupsko 1236 ë.t.d.
- 2. F.Lorentz "Die kaschubischen Ortsnamen nebst Ableitungen", Berlin 1933 - tuwò nie je mòżno miona Stolp jakno ë Stolpsko nalezc, je le blós Słëpskò jakno ë Słëpsk, to równak jak widzã nié je wôrt niżódni diskùsëji.
- --Kaszeba 16:57, 19 zélnika 2005 (CEST)
-
-
- Wiém, że Lorentz pòdôwô wicy, dlôte jem wërazno napisôł: pòdôwô midzë jinszima. To je kwestëjô wëbiérkù, wëbrac mòżno so kòżdą ùdokùmentowóną fòrmã. Ti drëdżi ksążczi Lorentza jô ni móm, tak tej ni mògã tam zazdrzec. Tak ë wspak, wedle mòjegò pòzdrzatkù dobrze je warcëwac do stôropòmòrsczich mionów ë słowiznë (ale to je ju téma na jinszą diskùsëjã). Jem sã spòdzewôł, że miono negò gardu mdze kòntrowersëjné, ë prawie dlôte ni móm zaczãté negò artikla, jaż to mdze przediskùtowóné. Ùczk 17:57, 19 zélnika 2005 (CEST)
-
[edicëjô] Pruszcz/Prëszcz/Prauszcz/Gduńsczi Prëszcz
Mëslã, że nôlepszi mdze mimò wszëtkò Pruszcz: http://konkurs.dsys.org/ekipa5/hist.html
Leno "Pruszczów" to da wicy: http://pl.wikipedia.org/wiki/Pruszcz Kòżdim z nich bë bëło nót sã zajic indiwidualno, leno w sécë mòże bëc jiwer ze zdrojama. Pòzdrówk, Tuvok 22:53, 22 gromicznika 2006 (CET)
- Jô sã czerowôł m.jin. tim jak piszemë/gôdômë n.p. Prësë/Prëskô, stądka pl: Pru -> csb: Prë. Nie jem równak tegò gwës. Na "pru" w csb to nie dô za wiele słów. (Dôsz të radã to "Pruszcz" bëlno po kaszëbskù pòwiedzec (tak fejn pò kartëskù)? Mie to jidze grãdo). Pòzdrôwióm. Mark --Kaszeba 00:44, 23 gromicznika 2006 (CET)
- Czim dali na nordã tim czãscy je ë w môlu u, a czim dali na pôłnié tim wicy u (np. pôłniowé: Kaszubë). Co jak co, ale bez to, że jô jem z Nordë, baro czãsto piszã ë tam dze lëdze z Westrzódka dôwają u abò i. Dlô mie szok béł czej jem ùzdrzôł w ksążce Kartuzë, Pùck, bò kòl mie wiedno bëło Kartëzë, Pëck. Ale niech ju jima "westrzédnyma" bądze...
- Wedle mie Pruszcz je lepszi jak Prëszcz, bò to pòslédné baro mie szlachùje za nordową wëmòwą westrzédnégò słowa priszcz. Nen gard je wnetka na Westrzódkù, tej to nawetka lepi pasëje, ë jidze baro fejn wëmòwic: Prüszcz, pòdobno jak Brusë. Na pru jô sã terô nick nie przëbôczã, ale to da doch prawie Brusë abò trus, a (p, b, t, d) to je ta samò familëjô spółzwãków, bò są na nen sóm ôrt wëmôwióné. Tak tej, dlô mie Pruszcz je jak nôbarżi OK. (Gwësno "Gduńsczi" ju òdpôdô, nié?) pzdr, Tuvok 00:29, 25 gromicznika 2006 (CET)
