Don Caméll (MUD)
From Wikipedia
 |
Artéccol in dialètt mudnés |  |
|---|---|---|
| Traduziòun: ARS |
Don Caméll (ciamê in italiàn Don Camillo) l'è un persunag' leteràri criê da Giovannino Guareschi, cuma co-prutagonésta - insìma all'amic-nimic Pepòun - ed 'na sèria ed rumanz in d'i quèli l'è al prê ed Bressèll, un paesîn cécc in riva al Po idealmèint paradigmàtic d'la realtê rurèl italiàna del dop guèra.
Di mòndi famês al grànd pubblic italian (c'al identifica cun la fàza ed Fernandel) per la riussida riduzioun cinematografica, al Don Caméll ed Guareschi al n'gà mia l'èria del pretèin tranquéll apèina ussî dal seminari, ma al ciacàra direttamèint cun al Crést d'l'altèr (c'al rispònd) e l'è bén cuntèint ed risòlver a sô môd - tirènd all'occurèinza qualche scrana - anc al discussiòuni più acési.
Al sèinter d'i pinsér ed Don Caméll l’è, inevitabilmèint, al Séndec Pepòun (al quèl al s'ciama "realmèint" Giuseppe Bottazzi, interpretê da Gino Cervi), a chép dl'amministraziòun comunêl comunést e chép d'la lochèla seziòun del PCI.
