Mingde Fjochtskeunsten
From Wikipedy
Mingde Fjochtskeunsten, nei it Ingelsk wol ôfkoarte as MMA, is in mingde styl fjochtsport dêr't in grut tal techniken út stjitsporten en wrakselsporten yn tastien binne.
Der is gjin wrâldsportassosjaasje foar Mingde Fjochtkeunsten, en dêrmei ek gjin fêst reglemint, mar alle organisaasjes steane in grut tal fan stjit- en wrakseltechniken ta, lykas dústen, traapjen, gripen en wurpen. Mingde Fjochtskeunsten is fuortkaam út oare mingde styl fjochtsporten dêr't gjin of hast gjin beheinings by wienen. Mingde Fjochstkeunsten hawwe lykwols al beheinings, foar de feiligens fan de sporters. Under oaren mei der net biten wurde, mei de tsjinstanner net út it fjild smiten wurde en meie kwetsbere plakken lykas de eagen, de nieren en de ljisken net oanfallen wurde.
De sport is begûn mei spesjalisten yn ferskate fjochtsporten, mar it die bliken dat sokke spesjalisten te swak binne by it befjochtsjen fan oare techniken. Dêrom wurdt der hieltyd mear treend op in mingeling fan stilen. De ûntwikkeling hat lykwols noch net laat ta suvere Mingde Fjochtkeunst-spesjalisten.