Slach by Nijpoart
From Wikipedy
De Slach by Nijpoart, 2 july 1600, waard yn de Tachtichjierrige Oarloch útfochten tusken de Spaanske troepen en de troepen fan Prins Maurits.
De Steaten-Generaal woenen dat Dúntsjerk ynnaam waard, en hienen Maurits dêr tsjin syn sin op útstjoerd. Dit wie it begjin fan in konflikt tusken de Steaten en Maurits wat noch jierren spylje soe.
Maurits sette earst ta op Eastende dat yn hannen fan de Republyk wie, en gong doe fierder nei Nijpoart. Dêr focht syn leger mei de Spaanske troepen. Of Maurits dat sa úttocht hie of dat er twongen wie is net dúdlik. Yn elts gefal, de slach gong hiel de dei ûngefear lykop, mar it leger fan Maurits wie krekt wat grutter, sa't er op it ein fan de dei minsken oer hie dêr't er de oerwinning mei behelle. Prins Maurits hie dêrmei sjen litten dat er in Spaansk leger oankoe, mar dat wist de tsjinstanner dêrmei fansels ek.
Nei de slach besocht Maurits Nijpoart yn te nimmen, mar hy hie tefolle minsken ferlern, sa't er him nei alve dagen tebeklûke moast nei de Republyk. It doel fan de tocht hie er net berikke. It ienige resultaat wie úteinlik dat der oan beide kanten in protte minsken stoarn wienen.
