Cathal Ó hEochaidh
Ón Vicipéid, an chiclipéid shaor.
 |
||
| Ord: | 6ú Taoiseach | |
| Téarma 1: | 11 Nollaig 1979 - 30 Meitheamh 1981 | |
| Réamhtheachtaí: | Seán Ó Loingsigh | |
| Téarma 2: | 9 Márta 1982 - 14 Nollaig 1982 | |
| Réamhtheachtaí: | Gearóid Mac Gearailt | |
| Téarma 3: | 10 Márta 1987 - 11 Feabhra 1992 | |
| Réamhtheachtaí: | Gearóid Mac Gearailt | |
| Comharba: | Ailbhe Mac Raghnaill | |
| Dáta Breithe: | 16 Meán Fómhair 1925 | |
| Áit Breithe: | Caisleán an Bharraigh, Maigh Eo, Éire | |
| Gairm: | Cuntasóir | |
| Páirtí Polaitaíochta: | Fianna Fáil | |
Ba é Cathal Séamas Ó hEochaidh (16 Meán Fómhair, 1925 - 13 Meitheamh 2006), Charles James Haughey as Béarla, nó Charlie Haughey de ghnáth; a rugadh i gCaisleán an Bharraigh, Contae Mhaigh Eo, an 6ú Taoiseach (ceann Rialtais Phoblacht na hÉireann) agus an cheathrú cheannaire ar Fhianna Fáil.
Clár ábhair |
[athraigh] Luathshaol
Bhog a chlann go dtí Baile Átha Cliath, agus d'fhreastal sé ar Scoil Naomh Iosaef (na Bráithre Críostaí) in éineacht lena choimhlinteoir i bhFianna Fáil, George Colley. Bhain sé céim amach sa chuntasaíocht ó Choláiste na hOllscoile, Baile Átha Cliath. Cháiligh sé mar abhcóide ina dhiaidh sin.
[athraigh] Luathshaol Polaitíochta
Phós sé Maureen Lemass i 1951. B'iníon í seo le Seán F. Lemass, a bhí ina Thaoiseach ag an am. Toghadh go Dháil é don chéad uair sa bhliain 1957.
[athraigh] Triail na n-Arm
Ag deireadh na seascaidí, bhris foréigean amach i dTuaisceart na hÉireann. Bhí Ó hEochaidh ina Aire Dlí i gcaibinéad Jack Lynch] ag an am. Ní fhacathas Ó hEochaidh mar taobhaitheoir leis an bhfeachtas foréigin ó thuaidh agus mar sin, bhí ionadh ann nuair a sacáladh Ó hEochaidh agus Niall Blaney ón gcaibinéad mar gheall ar líomhaintí gur úsáideadh airgead Stáit le airm a iompórtáil don IRA. Tógadh an bheirt chun triail in éineacht leis an gCaptaein James Kelly, agus fear gnó ón mBeilg darbh ainm Albert Luykx. Éigiontaíodh an ceathrar agus ceapadh go raibh saol polaitíochta Uí Eochaidh thart. Chaith sé roinnt blianta ar na cúlbhinsí ag iarraidh tacaíocht a ghineadh dó féin ón mbonn aníos.
[athraigh] Tréimhsí mar Thaoiseach
D'éirí Jack Lynch as mar Thaoiseach agus mar cheannaire Fhianna Fáil sa bhliain 1979. Toghadh Ó hEochaidh i gcomharbacht air nuair a bhuaigh sé comórtas don cheannaireacht i gcoinne George Colley a bhí ina Thánaiste ag an am. Chaith sé ceithre théarma mar Thaoiseach - (1979-1981; 1982 (Feabhra-Samhain); 1987-1989; 1989-1992).
[athraigh] Conspóid
D'éirigh sé as an bpolaitíocht i 1992 mar gheall ar ábhair chonspóideacha a tháinig chun solais. Bhí an chonspóid mar chuid lárnach dá shaol, go háirithe tar éis dó éirí as. D'ardaíodh roinnt ceisteanna thar na blianta maidir le foinse maoinithe a shaol rachmasach. Tháinig sé chun solais i mBínse Fiosruithe McCracken agus i mBinse Fiosruithe Uí Mhuircheartaigh go raibh ard-chaimiléireacht ar bun ag Ó Eochaidh trí íocaíochtaí neamh-fhógartha a bhfuair sé ó lucht ghnó na tíre a phróiseáil i gcuntais thar sáile chomh maith le mí-úsáid a bhain sé as cuntas costaisí an Taoisigh.
[athraigh] Bás
D'éag sé ar an 13 Meitheamh 2006 agus cuireadh é i Reilig Naomh Fionntán i gCill Fhionntáin i dtuaisceart chathair Átha Cliath. Bhí ceathrar clainne aige; Emer Mulhern, Seán (Teachta Dála anois), Conor agus Ciarán.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.
| Taoisigh na hÉireann |
 |
|
|
Eamon de Valera | Seán A. Mac Coisdealbha | Seán Lemass | Seán Ó Loingsigh | Liam Mac Cosgair | Cathal Ó hEochaidh | Gearóid Mac Gearailt | Ailbhe Mac Raghnaill | Seán de Briotún | Parthalán Ó hEachthairn |
