Cuimhne randamrochtana
Ón Vicipéid, an chiclipéid shaor.
Séard is cuimhne randamrochtana (Random Access Memory - RAM, i mBéarla) ná an príomhstóras a úsáidtear i ríomhaire le haghaidh sonraí a stóráíl faoi na ríomhchláir atá ag rith ag an am sin (téarma eile a úsáidtear dó ná stóras príomhúil nó primary storage i mBéarla nó amanna díreach cuimhne nó memory).
Is féidir cuimhne ríomhaire a shamhlú mar sheicheamh cealla inár féidir beart amháin eolais a stóráil i ngach cill. Tá seoladh ar leith ag gach cill. Spás stórála fíor-scioptha atá inti agus bíonn sí ceangal díreach aici leis an máthairchlár. Coinnítear eolas inti faoi na cláir atá ag rith ar an ríomhaire faoi láthair ach níl sí buan mar áit stórais - cailltear an méid atá inti nuair a mhúchtar an ríomhaire. Is fiú codarsnacht a dhéanamh idir an chuimhne (stóras príomhúil) agus stóras tánaisteach (stóras maighnéadach, optúil agus soladstaid) a úsáidtear le sonraí a choinneáil go buan).
