Pádraic Ó Conaire
Ón Vicipéid, an chiclipéid shaor.
Scríbhneoir Éireannach ab ea Pádraic Ó Conaire (20 Feabhra 1882-Deireadh Fómhair 1928) a chum gearrscéalta agus aistí faoi shaol an imircigh Ghaelaigh i Sasana timpeall tús an 20ú haois. Bhí sé gníomhach, freisin, san iriseoireacht, rud a raibh an-bheagán di le fáil as Gaeilge ag an am.
Scríobh sé dhá úrscéal, Deoraíocht agus Fearfeasa Mac Feasa, chomh maith le go leor aistí agus gearrscéalta. Tá cuid de ns gearrscéalta seo ar fáil sa leabhar Scothscéalta atá ar an siollabas Ardteiste in Éirinn le fada an lá. D'fhág sé a bhean agus a chlann agus chaith na blianta ag fánaíocht ar fud na hÉireann. Cailleadh é sna fichidí nuair nach raibh aige ach caoga bliain. Tá sé curtha i Reilig an Bhóthair Mhóir i nGaillimh.
Bhí post mar státseirbhíseach aige sa Bhreatain ar feadh tamaill ach rinne sé iarracht maireachtáil ar a chuid scríbhneoireachta nuair a d'fhill sé ar Éirinn, agus bhí an-ghean ag daoine air cé nár shaothraigh sé mórán airgid ar a chuid saothar liteartha le linn a shaoil.
Fuair sé bás i Mí Deireadh Fómhair 1928. Bhí dealbh ina chuimhne sa bhFaiche Mór i nGaillimh ach aistríodh é go gáirdín Chomhairle na Cathrach agus is ansin atá sé faoi láthair. Nuair a bheidh an t-athchóiriú atá á dhéanamh ar an bhFaiche Mhór curtha i gcrích, tá sé i gceist macasamhail den dealbh a chur ar ais ann.
[athraigh] Saothair
- Deoraíocht
- Fearfeasa Mac Feasa
- Scothscéalta
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.
