Dornier Do 317
Na Galipedia, a wikipedia en galego.
| Dornier Do 317 | |
|---|---|
| Tipo | Bombardeiro |
| Fabricante | Dornier |
O Dornier Do 317 foi un bombardeiro alemán desenvolvido durante a Segunda Guerra Mundial que nunca chegou a ser producido en serie. O Do 317 foi o último derivado do Do 17 e deseñouse como un bombardeiro pesado de alta cota, con capacidade para alcanzar calquera punto de Gran Bretaña dende bases francesas. Construíuse un prototipo presurizado, o Do 317V1, pero o proxecto foi temporalmente abandonado en 1940. Posteriormente fabricáronse outros cinco prototipos non presurizados, denominados Do 21R, que foron usados a finais de 1944.
