Erbedo
Na Galipedia, a wikipedia en galego.
O erbedo, érbedo , erbedro, esbedro, erbedeira, moroteiro, morongueiro, morodoeiro, morote, amorote, morodo ou ambrolo (Arbutus unedo) é un arbusto da familia das ericáceas, que produce uns froitos esféricos brandos entre vermellos e laranxas (fartabellacos). Dáse nos vales interiores dos grandes ríos, onda o clima mediterráneo, e as infrutescencias tomadas en grandes cantidades, pois son de sabor dóce cando están amadurecidos, producen diarrea. Destas características vénlle o nome científico, pois en latín:
- arbutus significa "arbusto" (de aí que erbedo deba escribirse con b e non con v);
- unedo procede de unum + edo, que é a conxugación do verbo latino edo, -is, -ere, "comer", pois só se pode ou debe comer unha infrutescencia para evitar males maiores;
Do seu nome parece ser que procedería o topónimo do lugar onde se instalou o aeroporto de Alvedro, na Coruña, a pesares de que neste caso respectaríase a ortografía antietomolóxica pola súa forte implantación.
