Filoloxía

Na Galipedia, a wikipedia en galego.

[editar] Definición

Parte da lingüística dedicada ó estudo dos textos antigos, tanto na súa vertente etimolóxica, lexicolóxica, grámatica histórica e literaria coma de conservación e restauración física das obras (inda que agora se adoita utilizar para este eido o nome de Biblioteconomía e Restauración). Se ben a súa etimoloxía indica que debería significar "afección ó coñecemento" en xeral (de filo- e mais -logos), en realidade redúcese ó coñecemento lingüístico. En xeral aplícase por extensión a todo o coñecemento lingüístico, e polo tanto as carreiras chamadas antigamente de "Filosofía e Letras" e logo "Lingua e Literatura" dunha determinada lingua véñense chamando "Filoloxía" desa lingua.

[editar] Ensino

Ata a década dos anos 1980, os estudos de Filoloxía galega adscribíanse coma unha sección de Filoloxía hispánica, pero logo foron segregados coma unha especialidade á parte. No ensino universitario galego, a Filoloxía está centrada tradicionalmente na Universidade e Campus de Santiago de Compostela, se ben coa segregación das universidades coruñesa e viguesa se implementaron centros e facultades en tódolos campus. A distribución das Filoloxías nos Campus galegos é a seguinte:

Universidade de Santiago	Campus de Santiago	Filoloxías galega, hispánica, inglesa, francesa, italiana, alemana, portuguesa, románica, italiana e clásica
Universidade de Santiago	Campus de Lugo	Filoloxía hispánica
Universidade da Coruña	Campus da Coruña	Filoloxía galega, hispánica e inglesa
Universidade da Coruña	Campus de Ferrol	NON HAI FILOLOXÍAS
Universidade de Vigo	Campus de Vigo	Filoloxía galega, hispánica, inglesa (e Tradución e interpretación)
Universidade de Vigo	Campus de Pontevedra	NON HAI FILOLOXÍAS
Universidade de Vigo	Campus de Ourense	NON HAI FILOLOXÍAS