Lingua indonesia
Na Galipedia, a wikipedia en galego.
A lingua indonesia (Bahasa Indonesia) é a lingua oficial de Indonesia. É un dialecto estandarizado da lingua malaia que foi oficialmente definida coa declaración da independencia de Indonesia en 1945, aínda que tódolos xeitos permanecen co seu carácter similar. En orixe era unha lingua sen falantes nativos, hoxe unha parte da xente nova das cidades adoptouna a espensas das súas linguas nativas como a lingua xavanesa, a lingua sundanesa, etc. por mor da súa prevalencia no ensino, medios de comunicacións, literatura e vida oficial de Indonesia, entre 17 e 30.000.000 teñen a lingua como nativa e outros 140.000.000 como segunda lingua, aínda que o grao de coñecemento e uso varía grandemente entre as diferentes rexións. En Timor Leste, sen carácter oficial desque no 2002 conseguiu a independencia pero que mantén o carácter de lingua de traballo segundo a constitución é aínda falada pola poboación nova escolarizada durante a época da ocupación indonesia.
