Paul D'Amour

Na Galipedia, a wikipedia en galego.

Música en progreso: Este artigo relacionado coa música é, polo de agora, só un bosquexo. Podes contribuir a que a Galipedia mellore e medre aportando os teus coñecementos, así como contribuíndo tamén noutros artigos relacionados que precisan ser ampliados.

Paul d'Amour (nacido o 8 de xuño de 1968 en Spokane, Washington) foi o baixista orixinal da banda de rock Tool.

Orixinalmente tocaba a guitarra e foi invitado a Tool polo guitarrista Adam Jones. Ao igual que Adam, Paul estaba en Los Angeles porque desexaba traballar no mundo do cine. Cando foi invitado a entrar na banda xa facía tempo que non tocaba, e estaba pensando en deixar a música. Paul estaba a miúdo de mal humor, polo cal a música de Tool encaixou perfectamente con el.

En 1995, Paul deixou amigablemente Tool, xa que desexaba facer algo máis experimental. Despois da súa saída formou a banda de pop psicodélico Lusk con Brad Laner, Chris Pitman (agora en Guns N' Roses) e o ex-membro de Failure Greg Edwards (agora en Autolux). En 1997 editaron o seu único traballo ata a data, titulado Free Mars.

Anteas da súa saída de Tool, Paul tamén tocou a guitarra nun proxecto paralelo chamado Replicants, unha banda de versións que contaba con Ken Andrews e Greg Edwards de Failure, e tamén con Chris Pitman. Eles editaron un disco autotitulado en 1995, onde Maynard James Keenan fixo unha colaboración.